अगर परभावित हिस्सा ह सुन्न हो गे त मैं एला चोट ले कइसे बचा सकत हवं?
ए बात के सुरता रखव, के परभावित हिस्सा के सुन्न हो जाना एक परकार के खतरा हे, काबर के एमा चोट लगे दउरान पता नइ चले। जब आपमन अपन हाथ ले काम करथव, या फेर खाना पकाथव त विसेस सावधानी रखे के जरुवत हे। अपन हाथ म मोट दस्ताना पहिनव या फेर फरिया ले बांध के रखव, अउ कोनो भी तवा या दूसर गरम समान ल झन उठावव। संभव हे त अइसन कोनो भी काम ले बचे को कोसिस करव जेमा गरम समान ल उठाए जरुवत पड़थे। अगर आपमन के अंगरी कमजोर या फेर विकृत हे त चौड़ा हैंडल वाला कोनो उपकरन बउरव अउ हैंडल ल फरिया ले लपेट के रखव।
खाली गोड़ चले ले बचव, जूता या पनही पहिनव। जूता बने असन होना चाही, जेन आपमन गोड़ अंगरी म रगड़ाए झन। एखर तलवा हर नरम होना चाही, लेकिन तरी के तलवा कड़ा होना चाही, ताकि कोनो परकार के कांटा-खुंटी झन गड़ए, या फेर पथरा म झन लगए। पलासटिक के जूता या पनही झन पहिनव। एड़ी या गोड़ के तलवा म नाखुन झन लगन देवव। ओ हर गोड़ म घुस सकत हे अउ गोड़ ल घायल कर सकत हे। बहुत दूरिहा तक रेंगे ले बचना चाही अउ नियमित अंतराल म आराम करना चाही, एखर ले आपमन के गोड़ हर सुरछित रही।