अगर मैं कोनो दिन गोली ले बर भुला गेंव त मोला का करना चाही?

From Audiopedia - Accessible Learning for All
Jump to: navigation, search

अगर तुमन गोली खाए बर भुला गे हव, त तुमन गर्भवती हो सकत हव।


अगर तुमन एकाध-दु पइत भुला जथव, त सुरता आए ले गोली ल चालु कर देवव। फेर नियमित रूप ले लेवत रहव।


अगर तुमन लगातार 3 दिन तक गोली खाए बर भुला जथव, त तुरते एक गोली खावव। फेर हर दिन नियमित रूप ले लेवत रहव।


अगर तुमन 28 दिन वाला पैकेट बउरत हावव, त सिरिफ हारमोन के गोली ल खावव अउ सक्कर के गोली ल छोड़ देवव। फेर नवा पैकेट ले गोली ल खावव। अगर तुमन 21 दिन वाला पैकेट बउरत हावव त ओखर खतम होए ले नवा पैकेट चालु कर देवव। जब तक तुमन 7 दिन तक ले गोली नइ खा लेवव, तब तक कंडोम बउरव या फेर यौन संबंध झन बनावव।


अगर तुमन 3 ले जादा गोली खाए ले भुला जथव, त गोली ल बंद कर देवव अउ अगला महवारी ल अगोरव। बाकी दिन बर कंडोम बउरव या फेर यौन संबंध झन बनावव। एखर बाद नवा पैकेट सुरू करव।


देरी ले या छुटे गोली ल लेके के बाद थोड़-बहुत रक्तस्राव हो सकत हे।


अगर तुमन ल गोली खाए के बारे म सुरता नइ रहे, त संझा बेरा, रात म या सुते के पहिली एक गोली लेना चाही। पैकेट ल अइसन जगा म रखव, जेखर ले ओ हर तुंहर नजर म रहे। अगर तुमन बार-बार गोली खाए बर भुला जथव, त परिवार नियोजन के कोनो दूसर बिधि के बारे म बिचारना चाही।


गोली खाए के 3 घंटा के भीतर अगर तुमन ल उल्टी या फेर जादा दस्त होथे, त अइसन गोली हर बने असन असर नइ दिखाही। जब तक तुमन ठीक हो जात हव अउ जब तक अगला 7 दिन तक गोली नइ खावत हव, तब तक कंडोम बउरव या फेर यौन संबंध झन बनावव।

Sources
  • Audiopedia ID: hne_24_26