अगर मैं यौन संबंध बर तइयार हंव त मैं अपन सुरछा कइसे कर सकत हंव?
जब तुमन यौन संबंध बनाए के फइसला कर ले हव, त तुमन ल गर्भावस्था अउ बीमारी ले खुद ल बचाना चाही। यौन संबंध सुरछित बनाए के कईठन तरीका हे। एखर बर तुमन ल पहिली ले योजना बनाए बर पड़ही।
यौन संबंध बनाए के पहिली अपन पुरूस साथी संग गोठियावव। ओला बतावव के अपन सुरछा करना कतना जरूरी होथे। अगर तुमन ल अइसन चरचा करना कठिन लगत हे त कोनो दूसर जोड़ा के बारे कहानी बता के ओला समझाए को कोसिस करव। अगर ओला तुंहर फिकरहे, त ओ हर तुंहर सुरछा करना चाही। लेकिन अगर ओ हर सिरिफयौन संबंध बनाए बर जोर देवत हे, त एखर मतलब हे के ओला सिरिफ अपन फिकरहावे।
कईठन समाज म अइसन लोगन होथें, जेनमन लकंडोम अउ परिवार नियोजन के दूसर तरीका के बारे म परसिक्छित करे जथे। उंखर संग चरचा करव या कोनो स्वास्थ्य कारकरता ल पूछव के सुरछा के का-का तरीका हो सकत हे। अगर तुमन ल अइसन बात पूछे म लाजलागत हे, त सहायता बर कोनो अइसन मनखे ल खोजव, जेखर उपर तुमन ल भसोसा होही। कईठन परिवार नियोजन क्लीनिक म जवान लईकामन बर बिसेस सेवा देजथे, जिहां ए सबो के बारे जानकारी दिए जथे।
तुमन देखके ये नइ बता सकव के कोनो पुरूस ल यौन संचरित संकरमन या एचआईवी हे के नइ, एखर सेती सुरछित यौन संबंध बर हर बखत कंडोम बउरना चाही। अगर कोनो पुरूस के लिंग ले इस्तरावहोवत हे या ओमा कोनो मेर घाव हे, त ओला संकरमन हे, अइसन म ए संकरमन हर तुमन ल घलोक हो सकत हे।
अगर तुमन हर यौन संबंध बनाए हव अउ तुंहर योनि ले कोनो नवा परकार के इस्तराव, घाव या तुंहर पेट के निचला हिस्सा म पीरा होवत हे, त तुमन ल एसटीआई हो सकत हे।