अगर मैं हर दिव्यांग हव त मोला अपन सरीर के जतन कइसे करे ल चाही?
दुरबलता कई परकार के होथे, एखर सेती ओखर जतन के तरीका तको अलग-अलग होथे। लेकिन तुमन ल नियमित रुप ले अउ परभावी तरीका ले अपन जतन करे ल चाही। ए तरीका ले तुंहर दुरबलता म सुधार हो सकत हे। तुमन अपन दुरबलता के संग जिये के बने तरीका ढूंढ सकत हव। दुरबलता ल अपन ताकत बनाए बर पुरूतसाहित करे ल चाही। साथे-साथ तुरते इलाज अउ खुद के जतन ले तुमन कईठन परसानी ल रोक सकत हव। कोनो स्वास्थ्य कार्यकर्ता के सलाह के मुताबिक काम करे ल चाही।
एखर अलावा, अगर तुंहर सरीर म कोनो परकार के बदलाव हो थे त अपन पूरा सरीर के जांच करे ल चाही। जरुवत हे त स्वास्थ्य कार्यकर्ता संग मिलना चाही अउ ओखर संग नियमित रुप ले जांच कराना चाही। एखर ले कोनो भी बदलाव ल तुरते पकड़े जा सकही अउ एखर इलाज सुरु करे जा सकही।
एहु अब्बड़ जरुरी के तुमन अपन इलाज ल पूरा करावव। एखर बर स्वास्थ्य कार्यकर्ता के हिसाब से चलना चाही। अपन दवईपानी ल नियमित रुप ले खाना चाही। अगर तुमन गर्भवती हव या फेर लइका ल दूध पियावत हव त डाक्टर या फेर स्वास्थ्य कार्यकर्ता ल एखर बारे म बताना चाही, ओहा तुमन स्वास्थ्य के मुताबिक दवई लिखही। हो सकत हे के कईठन दवई ले तुंहर भीतर कोनो नवा लकछन दिख सकत हे।
कईठन लकछन के दवई के कारन दिख सकत हे, जिहां तुमन ल दवई बदले बर पड़ सकत हे। लेकिन कईठन लकछन बने तको होथे, एखर ले पता चलथे के दवई परभावी हे। अगर तुमन इलाज के जल्दी बंद कर देहु त तुंहर रोग बढ़ सकत हे। एखर सेती अगर कोनो नवा लकछन दिखइ देथे, त तुरते इलाज ल बंद नइ करे ल चाही, बल्कि स्वास्थ्य कार्यकर्ता ले मिले ल चाही। ओहि ह एखर हल निकालही।
एखर अलावा, कोनो रोग के रोकथाम घलो अब्बड़ जरुरी होथे। एखर बर नियमित रुप ले व्यक्तिगत स्वच्छता बनाए ल रखे ल चाही, कोनो कीटानु ल फइले ले रोकना चाही। रोगानु ल संकरमन ले कइसे रोकना हे, एखर बारे म \"वास\" अध्याय म बिस्तार ले बताए गे हे।
अगर तुमन अपन सरीर के सुरछा ल मजबूत कर सकत हव, त एखर ले तुंहर सरीर कोनो भी परकार के संकरमन ले लड़ सकत हे। अगर करा साधन हे त स्वच्छ पानी अउ अलग-अलग परकार के खाना, खाना चाही। उदाहरन बर, अलग-अलग फर अउ साग-भाजी। बीड़ी-सिगरेट नइ पीना चाही अउ दारू घलो नइ पीना चाही।
अगर तुमन ल कोनो चोंट लगे हे या फेर कोनो घाव होगे हे, त एखर नियमित अउ परभावी जतन अब्बड़ जरुरी होथे। काबर के घाव डहर ले कोनो भी रोगानु तुंहर सरीर के भीतर पहुंच सकत हे अउ संकरमन पइदा कर सकत हे। एखर ले आगु चल के तुमन ल परसानी हो सकत हे। बने असन जतन ले घाव ल बने करे जा सकत हे, नइ त भविस म तुमन ल चले-फिरे म परसानी हो सकत हे। \"मैं घाव के बने असन जतन कइसे कर सकत हवं?\" ए अध्याय म एखर बारे म बिस्तार ले बताए गे हे।
कईझन मरीज मन बर स्व-देखभाल समूह म सामिल होना बने विकल्प हो सकत हे। इहां तुमन परसिकछन अउ दूसर रोगी मन संग मिलके, अपन सरीर के बने असन जतन करे ल सीख सकत हव।
इहां तुमन, एक दूसर ल पुरूतसाहित कर सकत हव अउ अपन सरीर के जतन के बारे म एक-दूसर ल सलाह दे सकत हव। साथे-साथे इहां तुमन ल मानसिक अउ आर्थिक मामला म सहयोग मिल सकत हे अउ तुमन अपन अधिकार के बारे म घलोक जान सकत हव। अपन परिवार के सदस मन ले तको तुमन सहायता ले सकत हव। एखर उदेस, ए हे जिनगी के सबो हिस्सा म ल तुमन ल दूसर असर समान पहुंच मिल सके। कोनो स्वास्थ्य कार्यकर्ता संग मिलके, सहायता हासिल करे के सबो तरीका के बारे म पुछना चाही।