अगर मैं हर पुलिस तिरन जहुं त का होही?
जादातर जगा म बलात्कार हर एकठन अपराध होथे। लेकिन एला साबित करे म अब्बड़ बखत लग सकत हे।
पुलिस तिरन जावत बेरा, हमेसा कोनो ल अपन संग ले जावव।
पुलिस हर तुमन लपुछही के का होए रिहिस। अगर तुमन बलात्कारी ल जानथव त, ओखर बारे म बतावव। ओला ढूंढे बर जाए म तुमन ल पुलिस संग जाए बर पड़ सकत हे। तुमन ल कोनो कानूनी डाक्टर संग जांच करवाए बर घलोकेहे जा सकत हे। अइसन जांच ले ये साबित करे जा सकत हे, तुंहर संग बलात्कार होए हे।
कईठन देसन म बलात्कार पीड़ित माईलोगन के मदद करे बर बिसेस रूप ले प्रसिछित महिला पुलिस अधिकारी ल नियुक्त करे जथे।
अगर बलात्कारी हर पकड़ा जथे, त तुमन ल पुलिस तिरन या अदालत तिरन ओखर पहिचान करना पड़ही। अगर तुमन कोनो वकील ढूंढत हव, त अइसन मामला के जानकारी वाला वकील ल चुनव। ओ हर तुमन ल बताही के का-का करना चाही अउ मुकदमा कइसे लड़ना चाही। हमेसा अपन संग कोनो मनखे ल रखव।
बलात्कार के मामला म अदालत जवई आसान नइ होवए। घटना के बारे म बताए के दउरान तुमन ल अब्बड़ पीरा हो सकत हे। हर कोनो मनखे हर तुंहर भाउना ल नइ समझे। कईझन तुमन ल ही दोसी ठहराए के कोसिस कर सकत हें।