अगर मैं हा बुरुली अल्सर या घाव ले संक्रमित हवं त मैं अपन सरीर के कइसे जतन कर सकत हवं?

From Audiopedia - Accessible Learning for All
Jump to: navigation, search

सबले जरुरी बात ए हे कि तुमन रोज अउ परभावी ढंग ले अपन जतन करव। मतलब ए हे के अपन घाव अउ दाग-धब्बा ला रोजदिन निगहबानी करना हे। एला कइसे करहु, एखर बारे म नीचे देगे सवाल म समझाए गए हे। अगर तुंहर घाव ठीक नइ होवत हे, या फेर एखर कारन तुमन ल अपन अंग ल हिलाए-डुलाए म परसानी होवत हे, त अपन स्वास्थ्य कारकरता ले बात करव। ओहा घाव के देकभाल करके, अपरेशन के बारे म अउ फिजियोथरेपी के बारे म सही सलाह दिही।

एखर अलावा, तुमन ल अपन सरीर के रोज जांच करना हे, अउ ए देखना हे के कोनो अउ मेर तको घांठा या फेर सूजन तो नइ होवत हे। अगर तुमन ल कोनो परकार के बदलाव दिखत हे, त अपन स्वास्थ्य कारकरता ल बतावव।

साथे-साथ तुमन ल नियमित रुप ले डाक्टर करा अपन जांच कराते रहना चाही। इलाज के दउरान, जब तक स्वास्थ्य कारकरता ह दवइ ला खाए ला केहे हे तुमन ला हररोज दवइ खाना हे। अइसन नइ करहु त बुरुली घाव दुबारा हो सकत हे। अगर तुमन पेट ले हव या फेर लइका ल दूध पियावत हव, त अपन स्वास्थ्य कारकरता ल ए बारे म बताना चाही। ताकि आपके लइका के सुरछा के हिसाब ले दवइ दिए जा सके। लेकिन बुरुली घाव बर तुमन ल इलाज जारी रखना चाही, काबर के ए ह महतारी अउ लइका, दुनो बर सुरछित रहिथे।

साथे-साथ स्वच्छता के भी धियान रखना भारी जरुरी हे। खाए के पहिली अउ शौच ले आए के बाद साबुन ले हाथ धोना चाही।

तुमन अपन सरीर के रकछा परनाली ल तको मजबूत कर सकत हव, एखर ले तुंहर सरीर ल अउ दूसर संक्रमन ले लड़े बर ताकत मिलही। तुमन ला साफ पानी पीना चाही अउ अलग-अलग परकार के बढ़िया खान-पान रखना चाही। जइसे अलग-अलग परकार के फल अउ सब्जी खाना चाही। बीड़ी-सिगरेट अउ दारू नइ पीना चाही। कइझन मरीज ल स्वयं-सहायता समूह म सामिल होए ले बहुते फायदा मिलथे। इहां तुमन दूसर संग मिलके अपन सरीर के जतन करे के तरीका सीख सकत हव। तुमन एक-दूसर के हउसला बढ़ा सकत हव अउ अपन सरीर के जतन करे के बारे म एक-दूसर संग सलाह-मसविरा कर सकत हव। साथे-साथ मानसिक अउ पइसा कौड़ी के मामला म एक-दूसर के सहायता कर सकत हव अउ अपन अधिकार के बारे म घलोक जान सकत हव।

Sources
  • Audiopedia ID: hne_53_15