अगर मोर चिन-पहिचान के कोनो मनखे आत्महत्या करे के बारे म सोंचत हे त मैं का कर सकत हवं?

From Audiopedia - Accessible Learning for All
Jump to: navigation, search

आत्महत्या के टीका-टिप्पनी ल हमेसा अब्बड़ गंभीरता ले लेवव। जब कोनो मनखे ये कहिथे के ओ हर आत्महत्या के बारे म सोंचत हे, त ये समझव के ओ हर आत्महत्या के लकछन दिखावत हे। अइसन म तुरते कोनो डाक्टर संग सहायता हासिल करे के परयास करव।


अगर कोनो मनखे हा तुंहर करा कहिथे के, तुमन ओखर आत्मघाती बिचार के बारे म कोनो ल झन बताहू, त एखर ले कभु सहमत झन होवव। तुमन अइसन कोनो बात ल लुका के नइ रख सकव, जेन काखरो मउत के कारन बन सकत हे। अगर तुमन एला लुका के रखहु, त तुमन ओखर मउत के जिम्मेवार हो सकत हव, अउ एखर ले तुमन जिनगी भर परसान रहू। एखर उलटा, तुमन ओखर आत्महत्या ल रोके के परयास करव।

  • हैरान झन होए के कोसिस करव। आगु वाला मनखे हर पहिली ले अब्बड़ परसान हे, अउ जेन बात केहे जावत हे ओखर ले यदि तुमन स्पस्ट रूप ले चौंक जथो त मनखे अउ जादा तनाव महसूस करही अउ जादा चिड़चिड़ा हो जही। एखरे सेती सांत रहव।


  • ओ हर जो कुछु कहिना चाहत हे, ओला धियान दे के सुनव। ओ मनखे ल ओतका बात करन देवव, जतका ओ हर चाहत हे। जतका हो सके ओखर सहायक बने के कोसिस करव अउ ए जाने के परयास करव के ओखर आत्महत्या के बिचार के कारन का हे।


  • पुरोतसाहन के सब्द ले मनखे ल ढांढस बंधावव। सहायता बर समझाए के दउरान अपन सहज गियान के परयोग करव। जिहां तक हो सके सांत अउ जतन करइया बनव।


  • ओ मनखे ल बतावव के तुमन घलोक अब्बड़ संसो करत हव। अउ एला ओला दिखावव घलोक।


  • नियाव करइया झन बनव। मनखे के केहे या महसूस होवइया कोनो भी बात ल अमान्य झन करव। सहयोगी अउ जतन करइया बनव, ओखर आलोचना झन करव। सहायता हा परिवार के सदस या फेर संगी-साथी के रूप म घलो हो सकत हे जब तक ले आत्महत्या के इरादा के कारन म उंखर भूमिका नइ होही। वरना आपातकालीन कारकरता या चिकित्सक तको मददगार हो सकत हे।


  • अगर अइसन मनखे उपर आत्महत्या भारी जोखिम हे, त ओला एको सेकंड बर अकेल्ला झन छोड़व।


  • जब परभावित मनखे ल सहायता मिल जाए अउ ओ हर तुरते आत्महत्या करे के हालत म नइ हे, त ओला कोनो डाक्टर या स्वास्थ्य कारकरता करा ले जावव। आत्मघाती बिचार ले पेसेवर तरीका ले निपटे के जरूवत होथे। सिरिफ परसिकछित मनखे ल परभावित मनखे के जिम्मेवारी लेना चाही।
Sources
  • Audiopedia ID: hne_28_15