अगर मोर म एसटीआई लकछन हे या मोला एसटीआई के खतरा हे त मोला का करना चाही?

From Audiopedia - Accessible Learning for All
Jump to: navigation, search

अगर तुंहर भीतर एसटीआई के लकछन हे या फेर तुमन ल लगथे के तुमन ल एसटीआई के खतरा हे त तुमन ल तुरते इलाजपानी सुरु कर देना चाही। हो सकत हे, कईठन इलाका म एसटीआई परीछन उपलब्ध नइ होहि, या फेर महंगा होहि या ओतना अच्छा सही रिपोट नइ आत होहि। एसटीआई के सस्ता अउ सटीक जांच, माईलोगन बर एकठन समसिया हे। सटीक जांच नइ होए के कारन, माईलोगन ल अइसन दवई दे दे जाथे, जेखर उनला जरुवत नइ हे या फेर एखर ले कोनो दूसर दुस्परभाव घलोक हो सकत हे।


  • संकरमन के तुरते इलाज करव।


  • अब्बड़ बीमार होत ले इंतजार नइ करना चाही। तुरते इलाज ले बीमारी गंभीर नइ होहि अउ दूसर मनखे मन तक घलोक ए बीमारी नइ फइलही।


  • अगर जांच हो सकत हे, त जांच करवाना चाही। हो सकत हे तुमन ल अइसन कोनो एसटीआई होहि जेमा कोनो लकछन नइ दिखत होहि।


  • संगे-सग अपन साथी के घलोक इलाज करवाना चाही। अगर अइसन नइ करहू, त बाद म ओ हर दुबारा ले तुमन ल संकरमित कर सकत हे।


  • सुरछित यौन संबंध बनाए के कोसिस करना चाही। अगर तुमन अइसन नइ करहु त तुमन ल दुबारा एसटीआई या फेर एचआईवी हो सकत हे।


  • एचआईवी के जांच करावए के कोसिस करना चाही। अकसर, एसटीआई अउ एचआईवी संकरमन एके संग होथे।


  • सिफारिस के मुताबिक, सबो दवई ल बिसराना अउ खाना चाही। भलकुन तुंहर लकछन दिखे म बंद हो जाए, लेकिन दवई ल पूरा बखत खाना चाही, एखर ले दवई अपन काम कर सकही। अगर दवई खाए के बाद घलो तुंहर लकछन बने नइ होवत हे, त स्वास्थ्य कार्यकर्ता ल बताना चाही। योनि ले स्राव या फेर कोनो परकार के पीरा, केंसर असन समसिया के कारन तको हो सकत हे।


Sources
  • Audiopedia ID: hne_05_6