अगर मोर संग यौन उत्पीड़न करे जथे त मैं हर का कर सकत हंव?

From Audiopedia - Accessible Learning for All
Jump to: navigation, search

अगर कोनो महिला हर अपन उपर हमला करइया मनखे के सामना कर सकत हे, त ओ हर बलात्कार ले बांच सकत हे। कोनो महिला हर बलात्कार ले बांचे बर जतका जादा कोसिस करही, ओहर बलात्कार ले, या फेर एखर कारन कोनो चोंट ले बांच सकत हे अउ मानसिक समसिया के सामना कर सकत हे।

हालांकि, घटना के पहिली ए कहिना मुसकिल हे के कोनो महिला हर अपन उपर होवइया हमला ले कइसे बांच सकत हे। कईझन माईलोगन गुस्सा हो जथें अउ उंखर भीतर अब्बड़ ताकत आ जथे, जबकि कईझन माईलोगन ल अपन ताकत के अहसास नइ होवए अउ ओमन हिल-डुल नइ सकें। अइसन हालत म तुमन उहि कर सकत हव, जेन तुंहर छमता हे।


इहां अइसन कईठन सुझाव दे जा थे, जेखर ले तुमन अपन मदद कर सकत हव:

  • रोहु, गिड़गिड़ाहु या हारझन मानहु। एखर ले कोनो मदद नइ मिले। असल म जेन माईलोगन अइसन करथें, तेन मन ल अकसर जवाबी लड़ई करइया माईलोगन मनके तुलना म जादा नकसान होथे।


  • जागरूक रहव। बलात्कारी ल धियान ले देखव। हो सकत हे कोनो बेरा ओ हर तुमन ल नइ देखत होही, या अपन उपर ओखर नियंतरन नइ रहत होही।


  • अलग-अलग तरीका अपनावव। ओला लात म मारव, चिल्लावव, सौदा करव, ओला बरगलावव। अइसन सबो काम करव, जेखर ले तुमन ओखर ले बांच सकत हव। ओला अहसास दिलावव के तुमन एक मनखेहव, कोनो जिनिसनइ।
  • अगर तुमन बलात्कारी ल जानथव त अपन अहसास के बारे म ओला बतावव। ओला बतावव के ओ हर तुंहर संग का करत हे।


  • अगर बलात्कारी हर कोनो अजनबी हे, त ओला सुरता रखे के परयास करव। ओखर कोनो पहिचान जइसे घाव, निसान या टैटु के सुरता रखव। या फेर ओखर कपड़ा-लत्ता ल पहिचान के रखव। ताकि बाद म ओखर बारे म तुमन पुलिस ल अउ दूसर माईलोगन ल बता सकव।


  • अगर कईझन मनखे हर तुंहर संग बलात्कार करे के कोसिस करथें या उंखर तिर कोनो परकार के हथियार हे, त तुमन विरोध त कर सकत हव, लेकिन अइसन हालत म सारीरिक रूप ले लड़ई करना बने नइ होवए।


  • हालत ल देख के फइसला लेना चाही। एखर बारे म सिरिफतुमन ही फइसला ले सकत हव। कुछु खास स्थिति, जइसे जुद्ध, म बलात्कारी के विरोध करे म ओ हर तुमन ल मार घलोकसकत हे।


Sources
  • Audiopedia ID: hne_22_11