अगर मोला आत्महत्या करे के मन होवत हे त मोला कोनो संग काबर गोठियाना चाही?
From Audiopedia - Accessible Learning for All
वइसे, अपन समसिया के बारे म दूसर कोनो संग गोठियाए ले तुमन ल फायदा हो सकत हे। तुमन अइसन कोनो मनखे ल ढूंढ सकत हव, जेखर उपर तुमन ल भरोसा होही। जइसे कोनो संगवारी, परिवार के कोनो सदस, परोसी या सहकर्मी। तुमन कोनो स्वास्थ्य कारकरता या फेर कोनो धार्मिक मनखे संग घलोक मदद मांग सकत हव। तुमन अपन जइसन समसिया ले घिरे कोनो दूसर माईलोगन संग तको सहायता मांग सकत हव, ओ हर तुंहर संग अपन बिचार ल बाँट सकत हे।
कईझन माईलोगन बर अनजान मनखे संग गोठियाना सहज होथे, काबर के एमा ओमन ल कम सरम अथे अउ ओमन ल लगथे के एखर ले तटस्थ अउ निसपछ सलाह मिलही। कईठन देस म आत्महत्या के रोकथाम बर हाटलाइन या चैटलाइन घलोक मौजूद रहिथे, जिहां इंटरनेट के जरिया ले संपर्क करके अपन समसिया के बारे म बताए जा सकत हे। इहां तुंहर नाव-गांव ल गोपनीय रखे जथे। तुमन ल उंखर सलाह के एवज म कोनो फीस तको नइ दे बर पड़े। अइसन हाटलाइन, गैर-राजनीतिक अउ गैर-सांप्रदायिक होथें। इहां काम करइया मन तुंहर बात ल बने असन सुनथें।
तुमन इहां अपन देस बर सहायता हाटलाइन नंबर देख सकत हव: http://www.befrienders.org/
अपन समसिया के बारे म काखरो तिर गोठियाए ले तुमन ल अपन समसिया के असल कारन ल समझे म आसानी होही अउ हो सकत हे के तुमन ल उहां कोनो हल तको मिल जाए।