अगर मोला कोढ़ के बीमारी हो गे त मैं अपन परिवार ल एखर ले संकरमित होए ले बचाए बर का कर सकत हवं?

From Audiopedia - Accessible Learning for All
Jump to: navigation, search

इलाज सुरु करे के थोड़क दिन बाद, ए बीमारी के संकरमन रुक जाथे। एखर सेती, आपमन ल अपन आप ल अलग-बिलग करे के कोनो कारन नइ हे।


अपन स्थिति के बारे म अपन परिवार ल बताना मददगार हो सकत हे। अपन परिवार ल समझाना चाही कि इलाज सुरु करे के बाद एखर संकरमन फइले के खतरा नइ होवए। परिवार के सदस संग मिलके खाए म, एक दूसर ल छुए म कोनो परसानी नइ होवए। आपमन ल इस्कूल जाए म या फेर अपन काम म जाए म, परिवारिक-समाजिक जिनगी म भाग ले म, तीज-तिहार म भाग ले म, डरे के जरुवत नइ हे।


लेकिन आपमन अपन बीमारी ल छुपाहु झन। अउ अपन पूरा इलाज करवाना अब्बड़ जरुरी होथे।


एखर अलावा, आपमन के तीर म रहे-बसे वाले आपके परिवार के सदस मन ल भी डाक्टर तीर जाके अपन सरीर के जांच करवाना चाही, अउ ए देखवाना चाही के उंखर सरीर म कोनो मेर कोढ़ के दाग तो नइ हे। ओ मन भी एखर नियमित जांच करवाना चाही। एखर ले, ओ मन बीमारी के सुरुआती लकछन ल पकड़ सकहीं अउ अगर कोनो सदस ह ए बीमारी ले परभावित हे त तुरते इलाज सुरु करवाना चाही।


संगे-संग अइसन दवइ भी लिए जा सकत हे, जेन हर कोनो भी मनखे ल ए बीमारी ले बचा सकत हे। अइसन दवइ ल एके पइत ले के जरुवत पड़थे, एखर ले कोढ़ के कीटानु मर जाथे। कोनो भी डाक्टर ह अइसन दवइ दे सकत हे। अगर कोनो महिला गर्भवती हे या फेर अपन लइका ल दूध पियावत हे त, ओला डाक्टर ल एखर बारे म बताना चाही। डाक्टर लइका के स्वास्थ्य ल धियान म रखते हुए दवइ लिखी। अइसन महतारी तको अपन इलाज करवा सकत हे, एखर ले महतारी अउ लइका, दुनो सुरछित रहि सकही।


दवइ-पानी के संगे-संग अपन स्वास्थ्य के बने असन जतन करना भी अब्बड़ जरुरी होथे। एखर ले मरीज के रक्षा परनाली मजबूत होथे, अउ संकरमन ल बढ़े बर रोके जा सकत हे। एखर अलावा, स्वच्छता के धियान रखना भी अब्बड़ जरुरी होथे। जइसे, खाए के पहिली अउ सौचालय के बाद बने असन हाथ-गोड़ ल धोना चाही, साफ पानी पीना चाही अउ स्वस्थ अउ अलग-अलग परकार के जेवन लेना चाही, जइसे कइ परकार के फर अउ साग-भाजी खाना।


Sources
  • Audiopedia ID: hne_54_10