अब्बड़ बेरा ले पानी म काम-बूता करे ले मोर स्वास्थ्य ल का-का नकसान हो सकत हे?
From Audiopedia
पानी के संग बूता करे म होवइया स्वास्थ्य समसिया:
जेन माईलोगन हर अब्बड़ बेरा ले गंदा पानी के संपर्क म रहिथें, ओमन ल पानी भीतरी रहइया परजीव अउ कीटानु मन ले नकसान हो सकत हे। अइसन माईलोगन हर बिलहार्जिया, गिनी वर्म, नदी अंधापन अउ हैजा के संग दूसर परजीव रोग के सिकार हो सकत हें।
जेन माईलोगन हर कोनो कारखाना या खेत के तिर म रहिथें, ओमन ल पानी म मउजूद रसायन ले नकसान हो सकत हे। इंखर रसायन कई किसम के स्वास्थ्य समसिया पइदा कर सकत हे।
पानी सबले गरू जिनिस म ले एक हावय जेला माईलोगन ल डोहारे बर पड़थे, जेखर ले उंखर पीठ अउ नरीम समसिया होए के संग-संग दूसर समसिया तको हो सकत हे।