आत्महत्या के का-का चेतावनी होथे?

From Audiopedia - Accessible Learning for All
Jump to: navigation, search

वइसे त आत्महत्या करइया कईझन मनखे मन पहिली ले एखर कोनो चेतावनी नइ दिखावएं। लेकिन, आत्महत्या ले मरइया कईझन लोगन कोनो न कोनो परकार के संकेत दिखाथें। इहां एखर कईठन संकेत के बारे म बताए जावत हे, अगर तुमन या तुंहर कोनो परिचित मनखे हर अइसन कोनो संकेत दिखावत हे, त ओला तुरते सहायता के जरूवत होथे।

  • जादा बेरा ले उदास रहिना।
  • मउत या आत्महत्या के बारे म गोठियाना या लिखना।
  • परिवार अउ संगवारी मन ले दूरिहा रहिना।
  • जादा बेरा ले निरासा, लाचारी, अब्बड़ घुंस्सा के भाउना।
  • अचानक अउ नाटकीय तरीका ले भाउना म बदलाव।
  • नसीला दवई ल खाना या अब्बड़ दारू पीना।
  • जादातर गतिबिधि ले उबासी लगना। इहां तक ले अइसन गतिबिधि ले घलोक, जेन पहिली बने लगत रिहिस।
  • सोए या खाए के आदत म बदलाव आना (नींद नइ आना या अब्बड़ सुतना, भूख नइ लगना या अब्बड़हेच खाना)।
  • काम-बुता म या इस्कूल के अपन परदसन म गिरावट आना।
  • अचानक कोनो ल अपन संपत्ति ल दे देना या वसीयत लिखना।


जरूरी बात: आत्महत्या के संकेत ल हमेसा गंभीरता ले लेना चाही। असल म अइसन संकेत हर मदद के गुहार होथे, जेन ल अनसुना कर दे जथे। जभे कोनो मनखे ह कहिथे के ओ हर आत्महत्या के बारे म सोंचत हे, त तुमन ल ओखर बात ल गंभीरता ले लेना चाही।

Sources
  • Audiopedia ID: hne_28_7