आफूमा आत्महत्या गर्ने सोचाई आउँदा म के गर्न सक्छु
From Audiopedia - Accessible Learning for All
यदि तपाईं लामो समयदेखि निराश हुनुहुन्छ, कुनै आशा छैन, हरेक दिन सामाना गर्ने समस्याको कुनै समाधान छैन र जीउनुको अर्थ छैन जस्तो तपाईंलाई महसुस हुन्छ भने आत्महत्या एक मात्र समाधानको बाटो जस्तो लाग्न सक्छ। तर सत्य के हो भने आत्महत्या एउटा समस्या हो समाधान होइन। अहिले तुरून्तै तपाईंको समस्याको समाधान नदेखिए तापनि यसको कुनै अरू समाधान छैन वा भविष्यमा समाधान देखिंदैन भन्न मिल्दैन। यसको मतलब अहिले समाधान नदेखिएको हो र हार नमानी जीवनको डोरीलाई कस्सेर पक्रिराख्नुपर्छ।
एकछिन सोच्नुहोस्: अहिले जस्तो महसुस गर्दै हुनुहुन्छ त्यस्तो कहिल्यै तपाईंलाई महसुस भएको थियो? यसका जवाफहरू यस्ता हुन सक्छन्: जीवनमा समस्याले खासै फरक नपारेको समय, त्यति खराब समय नभएको, अवस्था राम्रो भएको। यसको मतलब जीवनमा केही परिवर्तन भएकोले नै तपाईंले निराशा महसुस गर्नुभएको होइन र? परिवर्तनले गर्दा नै पीडा भएको हो भने के अर्को परिवर्तनले पीडा हटाउन सक्दैन र? त्यसैले धैर्य गर्नुहोस् र राम्रो परिवर्तन हुने समय अवश्य आउँछ। जीवन खुसी र दु:खको एउटा चक्र हो।
याद गर्नुपर्ने महत्त्वपूर्ण कुरा:
यसको मतलब हाल आफूले सामना गर्न सक्ने भन्दा धेरै पीडा तपाईंसित छ। यदि कसैले तपाईंको काँधमा भार थप्दै जान्छ र अन्तमा थाम्नै नसक्नेगरि थपिन्छ भने तपाईंले उठ्न चाहे पनि नसकेर लड्नुहुन्छ। यस्तो हुनु स्वभाविकै हो।
आत्महत्या गर्ने सोचाई हटाउन मदत गर्ने केही उपायहरू: