एचआईवी परीछन कइसे काम करथे?

From Audiopedia - Accessible Learning for All
Jump to: navigation, search

जब एचआईवी सरीर म घुसथे त, सरीर तुरते वायरस ले लड़े बर एंटीबाडी बनाए बर सुरु कर देथे। दु-चार हफ्ता बाद ये एंटीबाडी खून म दिखे लगथे।


एचआईपी परीछन, खून म इन एंटीबाडी ल ढूंढथे। कोनो मनखे एचआईवी के संकरमित हे के नइ, ये जाने के एकमात्र तरीका अही परीछन हे। लेकिन ये एड्स के परीछन नो हे।


कइठन हस्पताल म तुरते अइसन परीछन कर देथें, अउ पइसा तको नइ लेवएं। उही दिन एखर परिनाम ल घलो बता देथें।


कोनो सकारात्मक एचआईवी परीछन के मतलब हे के आप ये वायरस ले संकरमित हो गे हव अउ आपमन के सरीर ह एचआईवी के खिलाफ एंटीबाडी बना ले हे। भले आपमन ल अभी बने लगत होही, तभो आपमन दूसर वायरस फइला सकत हव।


कोनो नकरात्मक एचआईवी परीछन के दू मतलब हो सकत हे:

  • आपमन एचआईवी ले संकरमित नइ हव, या
  • आपमन थोड़क दिन पहिली संकरमित हुए रहे हव, अउ अभी आपमन के सरीर के एचआईवी के खिलाफ एंटीबाडी नइ बनाए हे।


अगर आपमन एचआईवी परीछन नकारात्मक हे लेकिन अगर आप ल लगथे के आपमन संकरमित हो गए हवव तो छै हफ्ता दुबारा परीछन कराना चाही। कभु-कभु सकारात्मक परीछन ल घलो दुबारा करे बर लगथे। एखर बारे म डाक्टर आपमन के बढ़िया ले मदद करही।

जरुरी बात: कोनो नकारात्मक परीछन के मतलब केवल अही के परीछन के बेरा आपमन ल एचआईवी नइ रहिस। लेकिन आपमन आगु अपन सुरछा नइ करहू त आपमन संकरमित हो सकत हव। हमेसा सुरछित यौन संबंध बनावव अउ कंडोम के परयोग करव।


एचआईवी परीछन हमेसा करवाना चाही:

  • आपमन के मरजी ले।
  • परीछन के पहिली अउ बाद म सलाह मसविरा ले के बाद।
  • एला गुप्त रखना चाही। जादा आदमी ल एखर बारे म बताए जरुवत नइ हे।
Sources
  • Audiopedia ID: hne_09_8