एड्स का होथे?
एचआईवी के पूरा नाव (ह्यूमन इम्युनोडेफिशिएंसी वायरस) होथे। ये ह एकठन अब्बड़ छोटकन रोगानु होथे, जेला वायरस कहिथें। एला आपमन देख नइ सकव। जेन मनखे एचआईवी ले संकरमित हो जाथे, ओला बाद म एड्स (एक्वायर्ड इम्यून डेफिशिएंसी सिंड्रोम) रोग हो सकत हे।
कोनो मनखे ल एड्स तब होथे, जब ओखर प्रतिरछा परनाली अतना कमजोर हो जाथे के वो ह संकरमन संग नइ लड़े सकय। एखर लकछन दूसर सामान्य बीमारी जइसन होथे, जइसे दस्त होना या फेर जूड़ के साथ बुखार ले बीमार होना। अलग-अलग मनखे ल लकछन अलग-अलग होथे । एड्स ले पीड़ित मनखे ल कुछु अइसन संकरमन घलो हो सकत हे जेन एचआईवी वाले मन म अब्बड़ कम दिखथे, जइसे कैंसर या फेर दिमागी संकरमन।
बने-बने पोसक खान-पान अउ सही दवा-पानी ले एड्स के संकरमन ले लड़े बर मदद मिल सखथे अउ एखर ले पीड़ित मनखे लंबा जिनगी जी सकथे लेकिन एचआईवी के कोनो इलाज नइ हे।