कईझन माईलोगन गर्भपात काबर कराथें?
गर्भपात कराए के फइसला लेना अब्बड़ कठिन होथे। कईठन धरम म एला गलत माने गे हे। कई देस म ए हा कानूनी अउ सुरछित तको नइ हे। लेकिन कईठन अइसन कारन होथे, जेखर ले कोनो महिला ल गर्भपात कराए के कोसिस करे बर पड़थे।
इहां अइसन कारन के कुछु उदाहरन बताए गे हे:
बिना कोनो योजना वाला अउ अनचाहा गर्भधारन, तब हो सकत हे जब...
...महिला अउ ओखर साथी ल, गर्भधारन के बारे म पता नइ होवए।
...स्वास्थ्य कार्यकर्ता मन के मानना रहिथे के कईझन माईलोगन परिवार नियोजन बर अब्बड़ छोटे होथें।
...जब माईलोगन ल यौन संबंध बनाए बर मजबूर करे जथे।
...या तो परिवार नियोजन उपलब्ध नइ हे, या एखर सही तरीका ले उपयोग नइ करे जाए या फेर ए हर विफल हो जथे।
जरूरी बात: अगर कोनो महिला हर पिछला तीन दिन के दउरान असुरछित यौन संबंध बनाए हे, अगर ओ हर तुरते कुछु करही त गर्भावस्था ल रोके जा सकत हे।