कम धुगिंया करइया राकेट चुल्हा ल मैं कइसे बना सकत हंव?
ए चुल्हा ल बनाना अब्बड़ आसान होथे। अपन इलाका म मिलइयाइरधन अउ जिनिस के मुताबिक तुमन अइसन चुल्हा ल बना सकत हव।
तुमन ल ए सबो जिनिस चाही:
चूल्हा कइसे बनावव:
बड़े टीपा के ढकना ल खोले बर टिना के टुकड़ा के उपयोग करव। चिमनी लगाए बर ढकना के बीच 4 इंच के गोल छेदा कर देना हे। जरे वाले कक्छ बर टीपा के तरी वाला हिस्सा म टीपा ले लगभग 1 इंच उपर एकठन 4 इंच के छेदा कर देवव। एमा चुल्हा के पाइप लग जाना चाही।
चुल्हा पाइप ल मुड़े वाले जगा ले टीपा भीतरी म रखव, जेखर ले ओखर एक सिरा टीपा म चिपक जाय। पाइप के लंबा वाला हिस्सा म आधा इंच के दुरिहा म दु ठन बरोबर कट बनावव अउ लिप बनाए बर एला पाछु डहर मोड़व। एखर ले पाइप टीपा भीतरी नइ घुसही। ए पाइप के लंबा वाला हिस्सा म इरधन जरही। चिमनी बनाए बर मुड़े वाला हिस्सा के छोटे भाग म एक अउ पाइप जोड़व, एला टीपा के उपर ले एक इंच नीचे होना चाही। ये पाइप म एकठन लिप बना लेवव, जेखर ले पाइप के उपरी हिस्सा हर टीपा म झन गिरय।
धियान देवव: टिन के टीपा ले बने चिमनी हर सिरिफ तीन महिना तक ले टिखही, एखर बाद तुमन ल एला बदले बर पड़ही। तुमन 3 भाग रेती अउ 2 भाग माटी ले, माटी के चिमनी बना सकत हव। माटी ल टीपा के चिमनी के चारोमुड़ा रख देवव। जब डब्बा हर जर जही, त तुंहर तिर म माटी के चिमनी होही, जेन चारो मुड़ा ले कुचालक के काम करही।
चिमनी के चारो मुड़ा ल अउ चुल्हा ल राख जइसन कुचालक ले भर देना चाही।
कुचालक के उपर अउ चिमनी के चारो मुड़ा डहर टीपा म ढकना लगा देवव।
जरत कक्छ के भीतरी एकठन खांचा बनाए बर टिना के डब्बा ल बउरव। टीपा के उपरी हिस्सा ल हटा देवव अउ ओला चपटा कर देवव। फेर एला टी आकार म काटव, जेला पाइप भीतरी लगाए जा सके। टी के उपरी हिस्सा हर बाहिर लग जाही अउ खांचा ले खिसके ले बांचही। जरत बेरा लकड़ी ल सहारा दे बर, खांचा के बाहिरी हिस्सा के तरी म एकाद ठन ईंटा या पथरा रखव।
बरतन ल चुल्हा उपर रखे बर जाली या बाड़ के उपयोग करव।
उपराहाधातु ले एकठन किनारी बनावव। एखर ले बरतन ल चारो मुड़ा डहर ले घेरना चाही। किनारी अउ ओखर आधार म बरतन के बीच ¼ इंच के अंतर छोड़ना चाही। अउ बने किनारी बनाए बर, दुठन किनारी बनावव अउ धातु के दु पत्ता के बीच म कुचालक लगावव।
अगर तुमन ल घर भीतरी खाना बनाए के जरूवत पड़त हे, त चुल्हा ल खुल्ला दीवाल के तिर म रखव। दीवाल के आड़ म धुगिंया हर उपर डहर चढ़ही अउ घर ले बाहिर निकल जही।