काबर परिवार नियोजन हमेसा मोर पसंद होना चाही?
जेन इलाका म भारी गरीबी होथे, जिहां जमीन, दूसर संसाधन अउ सामाजिक लाभ म गरीब मन के सही हिस्सेदारी नइ रहे, उहां के माईलोगन अब्बड़ अकन लईका पइदा करना चाहथें। काबर के, लईकामन महतारी-बाप के काम-बूता म मदद करथें अउ सियानी म उंखर जतन करथें। अइसन इलाका म, अमीर आदमी मन कम लईका रख पाथें।
कईझन माईलोगन अपन लईकामन के संख्या ल सीमित रखना चाह सकत हें। अइसन उहां होथे जिहां माईलोगन ल पढ़ई-लिखई अउ आय हासिल करे के अवसर मिलथे। जिहां माईलोगन हर पुरूस मन के बरोबर सम्मान पथें।
वइसे एखर ले कोनो फरक नइ पड़े के कोनो महिला कोन समाज म रहिथे, ओ हर अपन लईकामन संख्या सीमित रखहीं त जादा स्वस्थ रहीं। तभो ले परिवार नियोजन के उपयोग करना हे नइ करना हे, एखर बारे म फइसला म महिला के पसंद ल सामिल करना चाही। तुमन ल परिवार नियोजन के बारे म अपन फइसला ले के पूरा अधिकार हे।