कार मोटरसाइकिल या फेर फटफटी म यातरा करत बेरा मैं अपन लइका ल चोंट ले कइसे बचा सकत हवं?
From Audiopedia - Accessible Learning for All
अगर लइकामन यातरा करत बेरा कार, मोटरसाइकिल, टरक या फेर टेक्टर म बिन देखरेख के आगु सीट म बैठथें त ओमन ल चोंट लगे के खतरा जियादा होथे।
कार म आगु सीट म लइकामन ल तभेच बइठना चाही जब ओमन 150 सेंटीमीटर लंबा या फेर 10 बछर के हो जायें, ताकि ओमन सीट बेल्ट लगा सकें। एखर अलावा लइकामन ल उंखर उमर के मुताबिक बूस्टर सीट म बइठना चाही।
अउ अगर लइका ह मोटरसाइकल म बइठे हे, अउ साथ म ओखर दाई-ददा या फेर कोनो अउ बइठे हे त सब्बोझन ल हेलमेट पहिनना चाही। धियान रहे के हेलमेट ठुड्डी के नीचे बने असन बंधे रहए ताकि गिरे-हपटे के हालत म हेलमेट छूट झन सकय।
लइकामन सबले जियादा चोंट साइकिल चलाए के बेरा खथे। कइ बखत तो परान तको छूट जथे। अइसन म सब्बो लइकामन ल सड़क सुरक्षा के बारे म सीखना चाही अउ साइकिल हेलमेट पहिनना चाही।