का कोनो चिन-पहिचान के मनखे हर मोर संग बलात्कार कर सकत हे?

From Audiopedia - Accessible Learning for All
Jump to: navigation, search

जेन माईलोगन संग बलात्कार होथे, ओमा ले जादातर मन ओ पुरूस लेपहिली ले जानथें। अगर एखर बाद भी महिला ल ओखर संग संबंध रखना पड़थे, त ओ हर बलात्कार ले नइ उबर पाए या एखर बारे म दूसर मनखे ल नइ बता पाए।


पति या पूर्व पति डहर लेबलात्कार

अगर कानून या पारंपरिक रीति रिवाज कोनो महिला ल ओखर पति के सम्पत्ति मानत हावय त वो ह सोंच सकत हावय के ओला जब चाहे यौन संबंध बनाए के अधिकार हावय, भलकुन महिला नइ चाहय।


महिला के मयारूकघलोक ओखर संग बलात्कार कर सकत हे कोनो महिला के मयारूक हर, ओखर उपर खरचा करे के एवज म ओखर संग यौन संबंध बनाए के अधिकार जता सकथे। हो सकत हे के ओ हर पहिली घलोकअइसन करे होही या फेर ओखर तिर बिहाव के प्रस्ताव रखे होही। लेकिन अगर जबरदस्ती करत हे, त यहु ल बलात्कार केहे जही। अइसन मामला म अकसर ओ महिला हर कोनो ल कुछु नइ बता पाए, काबर के लोगन उही ल दोसी मानहीं।


यौन उत्पीड़न कई पइत नउकरी के नाव म महिला के सहकर्मी या साहब हर ओला यौन संबंध बनाए बर मजबूर कर सकत हे। अगर ओहर कोनो ल एखर बारे म बताही, त ओखर नउकरी जाए के या फेर ओला कोनो सजा दे के खतरा रहिथे।


लईकामन के यौन सोसन कोनो नोनी या बाबू संग ओखर परिवार के कोनो सदस हर बलात्कार कर सकत हे। अगर बाप, सौतेला बाप, कका, भाई, या परिवार कोनो दूसर सदस हर कोनो लईका संग यौन संबंध बनाथे या ओला यौन तरीका ले छुथे, त एला घलोबलात्कार माने जही। अगर ओ लईका हर ओखर उपर भरोसा करथे, त लईका हर भरमित हो सकत हे, अउ अइसन म ओला नइ मालूम रहय के ओला का करना चाही। पारिवारिक सदस हर एखर ले इनकार कर सकत हे, या फेर एमा लईका के दोस बता सकत हे। लेकिन अइसन कोनो मनखे उपर दोस लगाना हमेसा गलत होथे, जेखर संग बलात्कार होएहावय, भलकुन ओ हर कोनो लईका हो।

Sources
  • Audiopedia ID: hne_22_4