का मोर बर गर्भपात खतरनाक हे?

From Audiopedia - Accessible Learning for All
Jump to: navigation, search

लईका पइदा करे के तुलना म सुरछित रूप ले गर्भपात कराए ले नकसान के संभाउना कम होथे।

अइसन तरीका ले गर्भपात करवई हा सुरछित माने जथे:

  • कोनो परसिछित अउ अनुभवी स्वास्थ्य कार्यकर्ता एला करथे।
  • साथ म जरूरी उपकरन होथे।
  • स्वच्छ हालत म। योनि या गर्भ म जवइया कोनो उपकरन ल, घलो रोगानुरहित होना चाही।
  • आखिरी महवारी के 3 मास (12 हप्ता) तक।


अइसन तरीका म गर्भपात असुरछित होथे:

  • जे मनखे ल एखर बर परसिछन नइ मिले हे।
  • गलत उपकरन या दवई के संग म।
  • अस्वच्छ हालत म।
  • गर्भवस्था के 3 मास (12 हप्ता) के बाद, जब बिना सुविधा वाले हस्पताल म करे जथे।


पूरा दुनिया म हर बछर 4.6 करोड़ गर्भपात होथे। ए दउरान जादातर माईलोगन मन जीवित रहिथें। लेकिन असुरछित गर्भपात ले मउत तको हो सकत हे। या फेर एखर ले संकरमन, हमेसा-हमेसा के पीरा अउ बांझपन के समसिया पइदा हो सकत हे। सुरछित गर्भपात म, 1 लाख माईलोगन मन के गर्भपात म केवल एके झन के मउत होथे। लेकिन अगर गर्भपात हर असुरछित हे, त 1 लाख माईलोगन मन म सौ ले हजार माईलोगन के मउत हो सकत हे।

Sources
  • Audiopedia ID: hne_21_3