का मोला परिवार नियोजन के बार म सोचना चाही?

From Audiopedia - Accessible Learning for All
Jump to: navigation, search

दिव्यांगता वाले कइझन टुरी-टानकीमन ल सारीरिक संबंध अउ परिवार नियोजन के बारे म जादा नइ मालूम रहए, अउ ओमन अइसने बड़े हो जथे। तभो ले दिव्यांगता वाले जादातर माईलोगन गर्भवती हो सकत हें, भले उंखर सरीर के निचला भाग म अहसास झन रहय। एखरे सेती, अगर तुमन सारीरिक संबंध बनाए के योजना बनात हव अउ गर्भवती नइ होए ल चाहत हव, त तुमन ल परिवार नियोजन के बिधि के उपयोग करे के जरूवत हे।


ए करा परिवार नियोजन के कुछु दिशा-निरदेश दे गे हे, जेमा ले तुमन चुन सकत हव के तुंहर बर कोन उपाय बढ़िया रहि:

अगर तुमन ल स्ट्रोक हो हे, या फेर तुमन रेंग नइ सकव अउ हर बखत तुमन ल बइठना या लेटना पड़थे, त परिवार नियोजन वाले गोली, इंजेक्शन या फेर कोनो प्रत्यारोपन के उपयोग नइ करना चाही। एखर ले खून के थक्का जमे के समसिया पइदा हो सकत हे।


अगर तुंहर पेट म कोनो अहसास नइ होवए या सिरिफ थोरकुन अहसास होथे, त अंतर्गर्भाशयी उपकरण (आईयूडी) के उपयोग झन करव। अगर एला बने असन नइ लगाए गिस त तुमन ल यौन संचारित संकरमन हो सकत हे। अउ अहसास नइ होए कारन, तुमन ल अपन संकरमन के पता तको नइ लगही।


अगर तुमन अपन हाथ के बने असन उपयोग नइ कर सकव त बैरियर विधि जइसे डायफ्राम, महिला कंडोम या फोम के उपयोग करना तुंहर बर मुसकुल हो सकत हे। हां, अगर तुंहर पति हा एला लगाए म सहयोग करत हे, तब फेर बने हे।


अगर समय के संगे-संग तुंहर दिव्यांगता बदलत रहिथे, त दिव्यांगता के आगू बढ़े के संग म अपन परिवार नियोजन के तरीका ल बदले के जरूवत पड़ सकत हे।


कंडोम न केवल गर्भाधारन ल रोकथे, बल्कि एहा तुमन ल एसटीआई या एचआईवी जइसन बीमारी ले घलो बचाथे।

Sources
  • Audiopedia ID: hne_10_10