केंसर का होथे?

From Audiopedia - Accessible Learning for All
Jump to: navigation, search

केंसर एकठन गंभीर बीमारी होथे, जेन सरीर के कई ठन अंग ल परभावित कर सकत हे। अगर सुरू म एखर इलाज हो जथे, त अकसर ए हा ठीक हो जथे, लेकिन अगर लंबा बखत ले इलाजपानी नइ करे जाही त ए बीमारी हा मउत के कारन बन सकत हे। केंसर ले पीड़ित बहुत अकन मनखे मर जथें, बिसेस करके अइसन मन जिंखर करा स्वास्थ्य देकभाल के सुबिधा के कमती होथे।


सबो जियत जिनिस, जइसे हमर सरीर, नान-नान कोसिका ले बने होथे। माइक्रोस्कोप बिन एला नइ देखे जा सके। ए कोसिका बदलत रहिथे, जब एमा असहज रूप ले बढ़ोतरी होथे त ट्यूमर बन जथे। कई परकार के बढ़ोतरी अपने-अपन ठीक घलोक हो जथे, लेकिन जब ये हा अब्बड़ बाढ़ जथे अउ फइल जथे, त स्वास्थ्य समसिया के कारन बन सकत हे। सबो बढ़ोतरी केंसर नइ बनए, लेकिन कई ठन हा बन तको जथे।


केंसर तब सुरू होथे जब कई ठन कोसिकामन नियंतरन के बाहिर हो जथें अउ सरीर के कुछ हिस्सा म कब्जा कर लेथें। जब केंसर के जल्दी पता लग जथे, त अपरेसन ले एला हटाए जा सकत हे। या फेर दवई अउ बिकिरन ले एखर इलाज करे जा सकत हे, अउ ठीक करे जा सकत हे। लेकिन जब एहा अब्बड़ फइल जथे त एखर इलाज करना कठिन हो जथे अउ असंभव घलोक हो जथे।


माईलोगन म गर्भासय ग्रीवा अउ स्तन के केंसर जादा होथे। दूसर परकार के केंसर म फेफड़ा, गुदानाल, लीवर, पेट, मुंहू अउ चमड़ी के केंसर सामिल हे।

Sources
  • Audiopedia ID: hne_13_1