कोनो गरू जिनिस उठाए अउ लेगेके कारन होवइया स्वास्थ्य समसिया ल मैं कइसे रोक सकत हंव?

From Audiopedia - Accessible Learning for All
Jump to: navigation, search

सुरछित रूप ले कोनो जिनिस ल कइसे उठाना हे:

पीठ के कोनो समसिया ल ठीक करे के तुलना म ओला आगु ले रोकना जादा आसान होथे। जिहां तक संभव हो सके, अपन गोड़ के उपयोग करना चाही, न कि अपन पीठ के।


  • कोनो भी जिनिस ल उठाए के बेरा गोड़ के मांसपेसी के उपयोग करव, पीठ के मांसपेसी के नइ। जब तुमन कोनो जिनिस या लईकामन ल भुइयां ले उठाथव, त जादा झन झुकव बल्कि ओमन ल उठाए बर अपन माड़ी ल मोड़व या फेर बइठ के उठाव।


  • अपन पीठ, कंधा अउ नरील सीधा रखे के कोसिस करव।
  • गर्भावस्था के दउरान या लईका के जनम के तुरते बाद म गरू जिनिस ल झन उठावव।
  • गरू जिनिस ल उठाए बर कोनो दूसर मनखे के सहायता लेवव। खुदे कोनो जिनिस ल उठाए ले भले काम हर तुरते हो जथे, लेकिन पीठ म चोंट लगे ले बाद म तुमन ल समसिया होही।

जिनिस ल सुरछित रूप ले कइसे ले जाना हे:

  • जिनिस ल अपन सरीर के तिर म रखव।
  • संभव हे, त जिनिस ल अपन सरीर के तिर मरखे के बजाए अपन पीठ म रखव। एखर ले तुंहर पीठ के एके डहर के मांसपेसी म झेल नइ पड़ही। कोनो गरू जिनिस ल अपन डहर उठाए ले रीढ़ के हड्डी म जोर पड़थे। एखर ले तुंहर पीठ म खिंचाव आ सकत हे।
  • अगर तुमन कोनो जिनिस ल एक डहर ले दूसर डहर ले जावत हव, त बार-बार एक पार ले दुसर पार बदले के परयास करव। एखर ले तुंहर पीठ के दुनो डहर बरोबरमातरा म झेल पड़ही अउ तुंहर रीढ़ हर दुनो डहर मुड़ही। या फेर जिनिस के बोझा ल दुनो डहर बांट सकत हव।
  • मुड़ी म कोनो पट्टी लगाए ले बचव। एखर ले तुंहर नरीके मांसपेसी म झेल पड़ सकत हे।

सुरछित रूप ले आगु डहर कइसे झुकना चाही:

  • अब्बड़बेरा ले आगु डहर झुके रहिना- जेन माईलोगन हर कपड़ा-लत्ता धोए के बेरा, खेती करे के बेरा या कोनो दूसर बूता करे के बेरा आगु डहर सरलगझुके रहिथें, उंखर पीठ म खिंचाव हो सकत हे। अगर तुमन ल अइसन बूता करना ही हे त बार-बार अपन पीठ सीधा करते रहिना चाही। अगर तुंहर पीठ म पीरा होवत हे, त अलग-अलग तरीका ले बइठे के परयास करव।


  • भुइयां म परे जिनिस ल उठाए बर कनिहा के बल म झन झुकव। एखर बजाए, अपन माड़ी ल मोड़ के अउ पीठ ल सीधा रख केबइठ जावव।
Sources
  • Audiopedia ID: hne_30_7