कोन माईलोगन ल कोनो भी तरीका के हारमोनल बिधि ले बचना चाही?
जेन महिला ल स्तन केंसर हे या ओखर स्तन म गठान हे, ओला इंखर उपयोग नइ करना चाही। हारमोनल बिधि ले केंसर नइ होवए, लेकिन तुमन ल पहिली ले स्तन केंसर हे त एमन बीमारी ल अउ बढ़ा सकत हें।
जेन माईलोगन गर्भवती हो सकत हें या जिंखर महवारी देरी ले अथे।
जेन माईलोगन ल हारमोनल तरीका सुरू करे के पहिली तीन महीना के दउसान योनि ले अब्बड़ रक्तस्राव होथे, ओला कोनो स्वास्थ्य कारकरता संग मिलना चाही।
दूसर कोनो बीमारी वाले माईलोगन बर हारमोनल तरीका बने नइ होवे। ए हर तुंहर बर सुरछित हे के नइ, एला जाने बर हर बिधि के जांच जरूर करव। एखर बर कोनो स्वास्थ्य कारकरता ले मिलना चाही।
कोनो किसम के दउरा पड़ना, तपेदिक के बीमारी या एचआईवी के कईठन दवई हर हारमोनल तरीका ल कमती परभावी बना देथें। अइसन समसिया वाले माईलोगन ल परिवार नियोजन के कोनो दूसर तरीका ल अपनाना चाही।