खानामा किटाणुहरू फैलनदेखि कसरी रोक्न सकिन्छ

• खाना पकाउनुअघि, खानुअघि र आफ्नो बच्चालाई खुवाउनुअघि आफ्नो हात

 साबुन पानीले राम्ररी धुनुहोस्। हात धुँदा रोग फैलिन पाउँदैन। धोइसकेको हात 
 पुछ्नको लागि विशेषगरि हातको लागि छुट्याइएको सफा टालो राख्नुहोस्। 
 उक्त टालोलाई समय-समयमा धुनुहोस् र घाममा सुकाउनुहोस्। अथवा आफ्नो 
 हात हावामा हल्लाएर सुख्खा पार्नुहोस्। 

• काँचै खाइने फलफुल तथा तरकारीहरूलाई धुनुहोस् वा खुर्किनुहोस्।
• काँचै खान सकिने खानेकुरा र काँचो मासु, कुखुराको मासु वा माछालाई

 छ्यासमिस हुन नदिनुहोस्। मासु काटिसकेपछि सधैं आफ्नो हात, चक्कु र 
 कटिङ बोर्ड धुनुहोस्। 

• खानामा तपाईंको राल वा थुकको छिटा नपरोस् भनेर खाना नजिक नखोक्नुहोस्,

 नथुक्नुहोस, च्वीङगम वा सुपारी नचपाउनुहोस्।

• जनावरलाई भाँडा वा थालहरू चाट्न नदिनुहोस्। यदि सम्भव छ भने

 जनावरहरूलाई भान्छा कोठाबाट टाढै राख्नुहोस्।

• खाना बिग्रेको छ भने फ्याँकिदिनुहोस्।

Sources

• Burns, A. A., Niemann, S., Lovich, R., Maxwell, J., & Shapiro, K. (2014). Where women have no doctor: A health guide for women. Hesperian Foundation.
• Audiopedia ID: np010120