गर्भवती या स्तनपान करावत लइका ल दुरबलता ले कइसे बचा सकत हवं?

From Audiopedia - Accessible Learning for All
Jump to: navigation, search

गर्भावस्था के पहिली या एखर दउरान, महतारी के कोनो भी काम के पूरा संबंध लइका के दुरबलता ले नइ होवए। एखर सेती, ए बात सच नइ हे कि कोनो भी दुरबलता के पाछु खाली महतारी के गलती होथे!


वइसे, गर्भवती या स्तनपान करइया महतारी ल कुछ निवारक उपाय के उपर धियान दे चाही। एखर बारे म “मैं दुरबलता ल कइसे रोक सकत हवं?” अध्याय म बिस्तार ले समझाए गे हे। लेकिन कई परकार निवारक उपाय अइसन हें, जिंखर उपर तुमन ल विसेस रुप ले धियान देना चाही:

अगर तुमन गर्भवती होए के तैयारी करत हव, त टीकाकरन करवाना चाही। एखर ले तुमन अउ तुंहर लइका ल कई परकार के दुरबलता ले बचाए जा सकत हे। तुमन गर्भवती हो या स्तनपान करावत होहु जइसे हो टीकाकरन के पहिली, स्वास्थ्य कार्यकर्ता ल अपन स्थिति के बारे म जरुर बताना चाही।


अगर तुमन गर्भवती हव, त किरपा करके तुरते स्वास्थ्य कार्यकर्ता संग मिलव। ओहा तुमन ल बने-बने आहार के बारे म सलाह दे सकत हे। ओहा ए बात के जांच करके बताही कि तुमन अउ तुंहर लइका के सही विकास होत हे के नइ। अगर तुमन गर्भावस्था के दउरान नियमित रुप ले कोनो स्वास्थ्य कार्यकर्ता संग मिलहु त तुमन कई परकार के परसानी ले बच सकत हव।


कईझन माईलोगन मन ल महिला स्वास्थ्य कार्यकर्ता संग ही जांच कराना अउ अपन गर्भावस्था के परसानी ल गोठियाना पसंद होथे। तुंहरो संग अइसन हे त जेखर ले आप सहज महसूस करथव, ओखर करा जांच करावव। गर्भावस्था के दउरान बीड़ी-सिगरेट, दारू झन पियव। अउ कोनो भी दवई ल झन खावव। कोनो दवई ल ले के पहिली अपन स्वास्थ्य कार्यकर्ता ले एखर बारे म जानकारी लेवव। ओ हर तुंहर स्वास्थ्य के मुताबिक दवई बताही। एखर ले तुमन अपन लइका ल कोनो भी संभावित दुरबलता ले बचा सकत हव।


अगर तुंहर करा साधन हे त अस्पताल या फेर बने असन स्वास्थ्य केंद्र म लइका ल जनम देवव। अइसन म लइका के जनम के दउरान अगर कोनो परसानी होवत हे त स्वास्थ्य कर्मचारी मन बने स्वच्छता के धियान दे के, कई परकार के दुरबलता ल रोक सकत हें।


दुरबलता कोनो बखत म हो सकत हे। लइका के जनम के पहिली या फेर जनम के दउरान। उदाहरन बर, जब कोनो लइका पहिली पइत बने असन सांस नइ ले पाए। याद रखव दुरबलता कोनो भी उमर म हो सकत हे, नानुक लइका के रुप म, जवानी म या फेर अउ जादा उमर म।


एखर अलावा, कईठन अइसन दुरबलता हे जिंखर कारन अभी तक पता नइ चल पाए हे, जेखर बर कोनो जिम्मेवार नइ रहे अउ जेला ठीक नइ किए जा सके। अइसन दुरबलता काखरो गलती के कारन नइ होवए। एहु बात ल समझव के दुरबलता के पाछु, मनखे के कोनो पाप, भगवान के सराप, टोना-टोटका जइसन कारन नइ होवए।

ए बात ल समझना अब्बड़ जरुरी हे, ताकि कोनो दिव्यांग मनखे संग बुरा बेवहार झन हो सके, अइसन करे ल सही नइ होवए। दिव्यांग मनखे ह घलोक दूसर सामान्य मनखे असन ही योग्य होथे। सिछा, स्वास्थ्य, समाजिक जिनगी, आर्थिक अउ न्याय सेवा तक पहुंच के ओखरो तको समान अधिकार होथे।

Sources
  • Audiopedia ID: hne_55_11