गर्भावस्था अउ जचकी के बारे म मोला का-का जानना चाही?
From Audiopedia - Accessible Learning for All
हर कोनो गर्भवती महिला ल बने सेहत अउ बने जेवन के जरुवत होथे। संगे-संग ओला अपन परिवार अउ समाज के मया अउ मदद के घलो जरुवत होथे। कईझन माईलोगन मन गर्भावस्था के दउरान अब्बड़ स्वस्थ महसूस करथें अउ जनम दे बर ओमन ल कोनो परसानी नइ होवए। जादातर लईकामन स्वस्थ पइदा होथें।
एखरे संग, गर्भावस्था महिला के जिनगी म होवइया मुख्य खतरा म ले एक हो सकत हे। हर बछर लगभग पांच लाख माईलोगन मन गर्भावस्था अउ जनम दे के दउरान मर जाथें (एला मातृ मृत्यु दर केहे जथे)। गरीब देस म अइसन जादा होथे।
एमा ले जादातर मउत ल सुरूवाती जतन के जरिया रोके जा सकत हे। ए पाठ म बताए गे हे के गर्भवती माईलोगन मन खुदे अपन जतन कइसे कर सकत हें या फेर ओमन दूसर माईलोगन के जतन कइसे कर सकत हें।