घरेलू कामकाज ले लेके कोन-कोन किसम के झगरा होथे?

From Audiopedia - Accessible Learning for All
Jump to: navigation, search

कईठन देस म अकेल्ला माईलोगन हा पारंपरिक रूप ले घर के जतन खातिर जिम्मेवार होथे।


माईलोगन मन अपन घरवाला, ओखर दाई-ददा या दूसर रिस्तादार, अपन लईका अउ बीमार अउ सियान के जतन करथें। ओमन पीये बर पानी अउ जलाउ लकड़ी के तको बेवस्था करथें। ओमन खाना बनाथें अउ कपड़ा-लत्ता ल घलोक धोथें, सफई करथें, खेती-बारी के काम ल तको देखथें, अउ अगर परिवार म कोनो जानवर हे त ओखरो जतन करथें।


दुनिया के कईठन इलाका अइसन होथे, जिहां लईकामन के जतन अउ स्वास्थ्य सेवा तक माईलोगन के पहुंच के कमी होथे। अइसन म माईलोगन ल अपन घरेलू काम-बूता के अलावा दूसर काम घलोक करे बर पड़थे। जेखर ले उंखर अब्बड़ बेरा बरबाद होथे, अउ पइसा कमाए के उंखर ताकत हा परभावित होथे।


अइसन सबो घरेलू काम-बूता हर ओ मजगुत अउ स्वस्थ महिला बर घलोक अब्बड़ बोझा हो सकत हे। अइसन म कोनो महिला के पइसा कमाए ताकत हा गंभीर रूप ले सीमित हो जथे अउ अगर ओ महिला हर कमजोर या बीमार हे त ओखर बर घर के काम-बूता ल संभालना अब्बड़ कठिन हो जथे।


जब माईलोगन मन अपन-अपन घरवाला ले मदद मांगथें, त अकसर ओमन ल ये कहि के मना कर दे जथे के घर के काम-बूता हर, माईलोगन के काम होथे, भले माईलोगन अपन परिवार के आरथिक मदद बर बाहिर काम करे बर जावत होंही।


कईठन अध्ययन ले पता चले हे के बिकाससील देसन म माईलोगन, घरेलू कामबूता (जइसे लईकामन अउ सियान मन के जतन) जइसन बिन पइसा वाले काम म पुरूस के तुलना म तीन घंटा जादा काम करथें। अइसन माईलोगन जिंखर लईका छोटे हे, ओमन सही बेरा सबो के मांग ल घलोक पूरा नइ कर पावएं।


एखर अलावा, कई देसन म माईलोगन के परमुख काम घर चलाना, लईकामन के पालन-पोसन करना अउ उंखर जतन करना होथे, लेकिन जब घरेलू फइसला या घरेलू खरचा-पानी के बात होथे, त उंखर एमा जादा नइ चलए अउ ओमन अकसर अइसन फइसला ले खुदेच ल अलग-बिलग महूसस करथें।

एखरे सेती, अकसर घरेलू काम अउ लईकामन के जतन के बोझ हा माईलोगन उपर पड़थे, जबकि कोनो जरूरी फइसला सिरिफ पुरूसमन लेथें। ए हर बने बात नो हरे अउ एखर ले कई पइत झगरा के स्थिति घलोक बन जथे।

Sources
  • Audiopedia ID: hne_29_6