घर-दुवारी ल साफ-सुथरा राख के बीमारी ले कइसे बांचे जा सकत हे?

From Audiopedia - Accessible Learning for All
Jump to: navigation, search

परिवार के सबो सदस मन एक-दूसर के तिर म रहिथें, एखर सेती पूरा परिवार म रोगानु अउ बीमारी फइलना अब्बड़ आसान हो जथे।

कोनो परिवार ल कम बीमारी होही अगर ओमन अइसन करहीं:

  • खाना पकाए अउ खाए के बरतन ल उपयोग के पहिली अउ बाद म साबुन या फेर राख ले धोना चाही। अगर संभव हे त, एमन ल घांम म सुखन देव, (घांम म बीमारी पइदा करइया कीटानु मन मर जथें।)
  • जिहां रहिथव, ओ जगा ल हमेसा साफ रखना चाही। फरस, दीवाल अउ कुरसी-टेबल के खाल्हे ल हमेसा बाहरना चाही अउ ओमन ल धोना-पोंछना चाही। फरस या दीवाल म कोनो मेर छेदा या फेर दरार हे, त ओला बंद करव। काबर के एमा तिलचट्टा, खटमल अउ बिच्छु लुका सकत हें।


  • परजीवी अउ कीरवा मन ल मारे बर बिसना ल घांम म सुखावव।


  • फरस म झन थुकव। जे बेरा तुमन खांसथव या फेर छिंकथव, त अपन मुंहु ल अपन बांहि ले या फेर कोनो कपड़ा ले ढांक लेव। फेर अपन हाथ ल धो लेव।


  • सुरछित तरीका ले अपन सरीर के गंदगी ले छुटकारा पावव। लईकामन ल सउचालय के उपयोग करे के अउ अपन मल ल गड़ाए के तरीका सिखावव। ओमन ल यहु सिखावव के सउच बर घर ले दुरिहा जाना चाही। अगर लईकामन या फेर जानवर मन घर-दुवारी के तिर म मल करथें त ओला तुरते साफ करव।
Sources
  • Audiopedia ID: hne_01_10