घर ले दुरिहा काम-बूता करे ले मोर स्वास्थ्य ल कइसे नकसान हो सकत हे?

From Audiopedia - Accessible Learning for All
Jump to: navigation, search

कईझन माईलोगन अपन घर ले दुरिहा काम-बूता करथें। कईझन माईलोगन रोज कोनो मेर काम-बूता करे ल जथें, जब के कईझन माईलोगन अपन घर ले अब्बड़ दुरिहा चले जथें। एला परवासन कहे जथे।


काम-बूता पाए बर कई पइत माईलोगन ल गांव ले सहर जाए बर पड़थे। इहां बड़े-बड़े कारखाना म ओमन नउकरी करथें। कई पइत ओमन घरेलू नउकरानी के रूप म घलोक काम करथें। कई पइत माईलोगन ल बाहिर जाए बर मजबूर घलोक करेजथे, काबर के उंखर घर म कोनो काम-बूता नइ रहे अउ पालन-पोसन के समसिया हो जथे। अपन घर चलाए बर अइसन माईलोगन ल पइसा कमाए बर पड़थे।

कई पइत माईलोगन ल अकेल्ला बाहिर जाए बर पड़थे। अइसन म उंखर बर कठिन हालात पइदा हो सकत हे, काबर के ओमन अपन घर अउ संगी-संगवारी ले दुरिहा रहिथें।

Sources
  • Audiopedia ID: hne_30_26