जचकी के पहिली जतन के दउरान, कोनो मितानिन या कोनो स्वास्थ्य कार्यकर्ता ह तुंहर ले कईठन सवाल पूछ सकत हे। जइसे एखर ले पहिली के गर्भावस्था के बारे म, ओ दउरान लईका के जनम के बारे म, कोनो समसिया के बारे म, खून बहे के बारे या मरे लईका पइदा होए के बारे म। ये जानकारी तुमन दुनों झन ल ए गर्भावस्था म अइसने समसिया के तइयारी म मदद कर सकत हावय।
मितानिन ये सबो काम ल कर सकत हे:
ओहर पक्का करे के गर्भवती महिला ल पेट भर के भोजन मिलत हे अउ जरुवत हे त ओ हर बने असन जेवन के बारे म बता सकत हे।
ओहर आयरन अउ फोलिक एसिड के गोली देवए। एखर ले एनीमिया अउ जनम के दोस ल रोके म मदद मिलही।
महतारी के जांच करए, ताकि ये पक्का हो सके के महतारी स्वस्थ हे अउ ओखर लईका के विकास बने ढंग ले होवत हे।
टेटनेस ले बचाव करे बर टीका लगवाए। ये हर अइसन बीमारी हे जेखर ले महतारी अउ लईका, दुनो ल मार सकत हे।
अगर तुंहर इलाका म मलेरिया फइले हे त ओला रोके बर दवई देवए।
एचआईवी अउ सिफलिस के संगे-संग दूसर यौन संचरित संकरमन बर तुंहर जांच करे।
कोनो महिला के एचआईवी ल ओखर लईका तक फइले ले रोके बर दवई देवए।