जबरदस्ती बनाए वाले यौन संबंध ल मैं हर कइसे रोक सकत हंव?
अगर ओ हर तुंहर बिना इच्छा के तुंहर संग यौन संबंध बनाना चाहथे, त तुमन ओला समझावत बता सकत हव के तुमन एखर बर अभी तइयार नइ हव। अगर तुमन ओखर संग अकेल्ला रेहे म डरत हव, त कोनो दूसर मनखे ल अपन संग म रखव या फेर कोनो दूसर मनखे ले ओखर संग बात करे बर कहव।
अगर तुंहर उपर यौन संबंध के दबाव डारे जथे त जोर देके ‘नइ’ कहव। सारीरिक रूप ले तको सप्फोतरीका ले ‘इनकार’ करव। अगर तुमन सिरिफमुंह ले ‘नइ’ कहु, अउ अपन सरीर ल ओला सौंप दुहु त ओ हर एला ‘हां’ मानही।
अगर तुमन ल ओ हर कोनो अइसन तरीका ले छुवत हे, जेन तुमन ल पसंद नइ हे त दुरिहा हो जावव। अगर तुमन ल लगत हे, के कुछु बुरा घटना हो सकत हे, त खूबे जोर के चिल्लावव अउ अगर भागे बर पड़थे, त जरूर भागव।
सराब झन पीयव या कोनो परकार के नसीला दवई झन खावव। एखर ले तुमन अपन उपर नियंतरन खो सकत हव, अउ फेर अपन बारे म फइसला नइ ले पहु या खुदल बचा नइ पहु।
कोनो मेर जाथव, त समूह म जावव। कई जगा अइसन होथे, जिहां जवान जोड़ा मन समूह म मिलथें-जलुथें। अइसन जगा म तुमन ल यौन संबंध बनाए बर मजबूर नइ करे जा सकही।
हमेसा सुरछित जगा म जाना चाही, जिहां दूसर मनखे मन तुमन ल देख सकएं।
आगे केयोजना तइयार रखव। तय करव के तुमन ल खुदल कतना हद तक छुए ल देना हे। अपन भाउना म झन फंसव अउ अपन संग कुछु बुरा झन होवन देवव।