जब मोला आत्महत्या के बिचार अथे त मैं का कर सकत हवं?

From Audiopedia - Accessible Learning for All
Jump to: navigation, search

अगर तुमन लंबा बखत ले एकदमहेच उदास महसूस करत हव, अइसे लगत हे के कोनो उम्मीद नइ बांचे हावय, रोजदिन समसिया ल झेलत हव ओखर ले निपटे के कोनो उपाय नइ हे अउ जीये लायक कुछुच नइ बांचे हावय, त तुमन सोच सकत हव के आत्महत्या करई हर सिरिफ एकेठन उपाय हावय। लेकिन आत्महत्या कोनो भी समसिया के समाधान नइ होवए। भले तुमन ल अभी लगत हे के तुंहर समसिया के कोनो समाधान नइ हे, लेकिन आगु चलके तको अइसने रहि, ए बात सच नइ हे। भलकुन तुमन ल अभी कोनो समाधान नइ दिखत हे, लेकिन आगु चलके कोनो भी समाधान निकल सकत हे अउ तुमन ल अपन जिनगी के बागडोर ल कसके धरे बर लगही।


एक मिनट सोंचव: का तुमन हमेसा अइसनेच महसूस करत रेहेव, जइसन अभी करत हव? तुंहर जिनगी म कई बखत अइसन होइस होही, के तुमन ल ओतका बुरा नइ लगिस होही, जतका अभी लगत हे, हो सकत हे के तुंहर पुराना दौर बने तको रिहिस होही। हो सकत हे के तुंहर जिनगी म कोनो अइसन बदलाव अइस होही जेखर ले तुमन उदास महसूस करत हव? त का आगु घलो कोनो बदलाव नइ आ सके, जेखर ले तुंहर पीरा दूर हो जहि? एखरे सेती सबर रखव, ओ दिन जरूर अही जब सबो हालत बने-बने हो जाही। सुख अउ दुख के चकर के नाव ह जिनगी होथे।


धियान दे बर जरूरी बात:

  • आत्महत्या के भाउना बर खुद ल दोस नइ देना चाही। जिनगी के कोनो भी बोझा हर, जिनगी के एकठन हिस्सा होथे। एमा तुंहर मन के कोनो गलती नइ हे।
  • आत्मघाती बिचार आए ले तुमन कोनो खराप मनखे, पागल या कमजोर मनखे नइ बन जावव।
  • आत्मघाती बिचार के मतलब ए नइ होए के तुमन सही म मरना चाहत हव, एखर मतलब खाली ए होथे कि तुंहर तिर, तुंहर झेले के ताकत ले जादा, पीरा हा होगे हे। जइसे तुंहर कंधा म अतका बजन डार दे जाए, जेला तुमन संभाल नइ सकव, अइसन म तुमन गिर जहू। ये हर सहज बात हे।


अइसन बिचार, तुंहर आत्मघाती भाउना म काबू करे म तुंहर मदद कर सकत हे:

  • कोनो अइसन मनखे ले गोठबात करव जेन हर तुंहर सहयोग करे (चाहे ओ हर कोनो संगी हो, प्रेमी हो, रिस्तादार हो या कोनो सहयोगी अनजान मनखे हो)
  • कोनो डाक्टर, चिकित्सक या स्वास्थ्य कारकरता संग भेंट करव
  • जेन लोगन ल तुमन छोड़ देव हव, उंखर संभावित परतिकिरया अउ पीरा के बारे म सोंचव
  • आत्महत्या के परयास ल बदला लेके तरीका रूप म झन उपयोग करव
  • अपन जइसन स्थिति वाला दूसर मनखे संग सहायता ले के कोसिस करव, कोनो सहायता समूह म सामिल होवव
  • ताव म आके कोनो काम झन करव
Sources
  • Audiopedia ID: hne_28_8