जेवन राँधे के आगि अउ धुगिंया मोर स्वास्थ्य ल कइसे नकसान पहुंचा सकत हे?
जादातर माईलोगन मन ल दिन म कई घंटा जेवन राँधे म लगा देथें। एखर ले ओमन ल आगि अउ धुगिंया ले होवइयास्वास्थ्य समसिया के खतरा रहिथे।
माटी तेल अउ इरधन (गैस अउ तरल) ले बिस्फोट हो सकत हे। संग म इंखर ले आगि लगे अउ जरे-भुंजाए के खतरा घलोक होथे।
जेन माईलोगन हर लकड़ी, कोयला, गोबर या फसल के अवसेस वाला इरधन के परयोग करथें, ओमा अब्बड़ धुगिंया फइलथे अउ एखर ले माईलोगन के स्वास्थ्य म बुरा असर पड़थे। जब अइसन के परयोग घर भीतरी होथे, त अउ जादा समसिया पइदा होथे। अगर इरधन के फसल म कीटनासक या खातू जइसन रसायन मिले होथे, त ए हर अउ जादा खतरनाक होथे।
अइसन धुगिंया म सांस ले लेखंस्सी, सरदी, निमोनिया, ब्रोंकाइटिस, फेफड़ा म संकरमन हो सकत हे। कोयला के धुगिंया ले फेफड़ा, मुंह अउ गला के केंसर घलोक हो सकत हे।
जेवन राँधे वाले इरधन के धुगिंया म सांस ले लेगर्भवती माईलोगन ल चक्कर आना, कमजोरी, मतली अउ मुड़ी पीरा जइसन बीमारी हो सकत हे। गर्भवती माईलोगन के सरीर हर संकरमन ले लड़े बर कमजोर होथे, एखर ले ओमन ल फेफड़ा के संकरमन होए के खतरा रहिथे। बीड़ी-सिगरेट पीये ले ओखर लईका के बिकास कमजोर पड़ सकत हे अउ जनम के बेरा ओखर बजन कमती हो सकत हे या फेर बेरा ले पहिली जनम हो सकत हे।
माईलोगन हर धुगिंया म जादा बेरा रहिथें, एखर सेती पुरूस के तुलना महिला ल जादा खतरा होथे। धुगिंया के तिर म खेलइया लईकामन ल सरदी, खांसी, निमोनिया अउ फेफड़ा म संकरमन जइसन बीमारी के खतरा होथे।