डायाफ्राम के बारे म मोला का-का जानना चाही?

From Audiopedia - Accessible Learning for All
Jump to: navigation, search

डायाफ्राम हर नरम रबर या पातर सिलिकान ले बने एकठन उथले कप होथे, जेला यौन संबंध के दउरान कोनो महिला हर अपन योनि म पहिनथे। डायाफ्राम गर्भासय ग्रीवा ल तोप लेथे, जेखर ले पुरूस के सुकरानु हर ओखर गर्भासय म नइ जा सके।


जब डायाफ्राम ल बने असन बउरे जथे त ए हर जादातर बखत म गर्भावस्था ल रोकथे अउ एसटीआई ले सुरछा घलोक देथे। एला सुकरानुनासक संग बउरे जाना चाही। लेकिन तुंहर तिर सुकरानुनासक नइ हे तभो ले तुमन एला बउर सकत हव। लेकिन एखर ले असर कमती हो जथे।


डायाफ्राम हर कई किसम के आकार म मिलथे। कईठन स्वास्थ्य केंद्र अउ परिवार नियोजन केंद्र म ए हर उपलब्ध रहिथे। कोनो परसिकछित स्वास्थ्य कारकरता हर तुंहर जांच करके, तुमन बर सही आकार के डायाफ्राम के पता लगा सकत हे। सही आकार के डायाफ्राम लगाए ले ही, ए हर परभावी रहिथे।


एक बछर ले जादा तक एला बउरे के बाद, एमा छेदा हो सकत हे। एखर सेती बार-बार एखर जांच करत रहिना चाही। जब रबर हर सूखा जाए या फेर कड़ा हो जाए या ओमा छेदा हो जाए, त एला बदल देना चाही।


तुमन यौन संबंध बनाए के ठीक पहिली या 6 घंटा पहिली तक ले डायाफ्राम ल डार सकत हव। अगर तुमन डायाफ्राम ल डारे के बाद कई पइत यौन संबंध बनाथव, त एला हटाना नइ चाही। हर पइत यौन संबंध बनाए के पहिली सुकरानुनासक डारना चाही।


Sources
  • Audiopedia ID: hne_24_13