डिरिप सिंचई परनाली के का-का फाइदा होथे?
From Audiopedia
डिरिप सिंचई, सिंचई के सबले परभावी तरीका होथे, काबर के एमा पानी हर सीधा पउधा तक ले पहुंचथे, जेखर ले पानी के बरबादी कमती होथे। स्प्रिंकलर समेत दूसर सिंचई सुबिधा के तुलना म एमा 30 ले 50 परतिसत कमती पानी लगथे।
ये परनाली म कमती लेकिन सरलग पानी मिलत रहिथे, जेखर ले पउधा मन ल फाइदा होथे। एखर ले खेत म बन-वन (खरपतवार) घलो कमती होथे। पानी हा सीधा जर म पहुंचथे, एखर सेती पउधा मन पानी के जादा ले जादा उपयोग कर पथें। एखर ले बीज के अंकुरन बने असन होथे अउ पइदावारी म बढ़ोतरी होथे। बन-वन बर कमती पानी मिले के कारन खेत म खरपतवार घलोक कम होथे।
एमा पानी के बचत के संगे-सग खातू-कचरा मन के नकसान तको कमती होथे। मतलब के खातू-कचरा के उपयोग जादा बने असन ले करे जा सकत हे।
एखर ले उपज के लागत घलोक कमती होथे।
एखर ले माटी के छमता म घलोक बिकास होथे।
एमा जमीन भीतरी के पानी अउ खातू हा एक-दूसर संग नइ मिलय।