तनावले गर्दा हुने शारिरीक परिवर्तन र रोगबारे मैले के थाह पाउनुपर्छ
From Audiopedia
तनाव अनुभव गर्ने बित्तिकै शरीरले त्यससित लड्न तुरून्तै कदम चाल्छ। केही शारिरीक परिवर्तनहरू यस प्रकार छन्:
तनाव अचानक आएको हो वा गम्भीर प्रकारको हो भने महिलाले आफ्नो शरीरमा भएको परिवर्तन महसुस गर्न सक्छिन्। तनाव हट्ने बित्तिकै शरीर पनि सामान्य अवस्थामा फर्किन्छ। तर तनाव कम गम्भीर खालको छ वा बिस्तारै बढ्छ भने लक्षण हुँदाहुँदै त्यसले आफ्नो शरीरमा गरेको असर तिनले थाह पाउन सक्दैनिन्।
धेरै लामो समयसम्म तनाव भइरह्यो भने त्यसले गर्दा चिन्ता गर्ने रोग र डिप्रेसनका सामान्य लक्षणहरू देखिन सक्छ। जस्तै: टाउको दुख्ने, पेटको समस्या हुने र कमजोर महसुस गर्ने। समय बित्दै गएपछि तनावले विभिन्न रोगबिमार निम्त्याउँछ, जस्तै, उच्च रक्तचाप र त्यसले हृदयघात वा मस्तिष्कघात निम्त्याउन सक्छ।
धेरैजसो ठाउँमा भावनात्मक समस्याहरूभन्दा शारिरीक समस्याहरूलाई महत्त्वपूर्ण मानिन्छ। यसो हो भने अरू लक्षणभन्दा पनि मानिसमा मनोत्रास र डिप्रेसनका शारिरीक लक्षणहरू देखा पर्छ। हुनत शारिरीक लक्षणहरूलाई बेवास्ता गर्नु हुँदैन, तर रोगबिमार बनाउने भावनात्मक कारणहरूबारे पनि संवेदनशील हुनु आवश्यक छ।