दस्त या हैजा का होथे अउ ए हर मोर लईकामन बर खतरनाक काबर हे?

From Audiopedia - Accessible Learning for All
Jump to: navigation, search

दस्त एक परकार के कीटानु के कारन होथे, खासकर मल ले निकले वाला कीटानुमन के कारन। जेन जगह म मल के असुरछित निपटान होथे, जिहां स्वच्छता नइ बरते जाए, जिहां पिये के साफ पानी के कमी होते या जब लईकामन ल स्तनपान नइ कराए जाए, तब एखर कीटानु फइलथे।


दस्त के कारन लईकामन के सरीर ले तरल पदार्थ बाहिर हो जथे, जेखर ले उंखर सरीर भीतरी म पानी के कमी हो जथे, जेखर ले लईका के मउत तको हो सकत हे। दस्त म लईकामन के मउत के जादा संभाउना होथे, काबर के एखर ले उमन तेजी ले निर्जलित अउ कुपोसित हो जथें। दस्त होए के दउरान, लईका ल नियमित जेवन अउ तरल पदार्थ के संग अतिरिक्त तरल पदार्थ देना अब्बड़ जरूरी होथे।

लईका के दिन म तीन या ओखर ले जादा पानी वाले मल तियागे म दस्त होथे। मल म जतका जादा पानी होहि, ओतका जादा दस्त हर खतरनाक होहि।


कईझन सोचथें के तरल पदार्थ पिये ले दस्त अउ जादा बढ़ जाही। लेकिन ये बात हर सच नो हरे। दस्त ले पीड़ित लईका ल जतका जादा हो सके पानी पियाना चाही अउ स्तनपान तको कराना चाही। एखर ले सरीर ले बाहिर निकलइया, तरल पदार्थ के भरपाइ करे जा सकत हे।

Sources
  • Audiopedia ID: hne_26_1