दिव्यांगता के कारन हे?
From Audiopedia - Accessible Learning for All
गरीब देस म कइ किसम के दिव्यांगता के कारन गरीबी, कोनो दुरघटना अउ जुद्ध होथे।
उदाहरन बर:
अगर कोनो गर्भवती महतारी ल परयाप्त जेवन नइ मिलए, त ओखर लइका दिव्यांग पइदा हो सकत हे।
अगर कोनो नानुक लइका ल परयाप्त जेवन अउ पोसन नइ मिलही त, ओहा अंधरा या फेर मानसिक रुप ले कमजोर हो सकत हे।
कुरा-कचारा वाले जघा अउ भीड़-भाड़ वाले इलाका, के संग खराब जेवन अउ बुनियादी स्वास्थ्य सेवा अउ टीकाकरन के कमी तको कइ किसम के दिव्यांगता के कारन बन सकत हे।
आज के जमाना के जुद्ध म सैनिक या फेर दूसर मनखे के तुलना म माईलोगन अउ लइकामन ल जादा नकसान होथे, कइझन मर जथे या फेर दिव्यांग हो जथे।
लेकिन अगर दिव्यांगता के ए सबो कारन ल दूर घलो कर दे जाए त, दुनिया म हमेसा कोनो-न-कोनो मनखे दिव्यांग रहिबे करिही। एहा जीवन के सुभाविक भाग हे।