दूसर माईलोगन ले मिले-जुले ले मोला कइसे मदद मिल सकत हे?

From Audiopedia - Accessible Learning for All
Jump to: navigation, search

दूसर माईलोगन ले मिले-जुले से तुमन ला अइसन मदद मिल सकत हे:

  • सहायता पावव: कोनो परकार के मानसिक समसिया अकसर कोनो महिला के ताकत ल खतम कर देथे अउ ओखर उतसाह ल तको खतम कर देथे। दूसर माईलोगन ले मिले-जुले ले कोनो महिला के भाउनात्मक ताकत म बढ़ोतरी हो सकत हे, जेखर ले ओहा अपन समसिया ले बने असन निपट सकत हे।


  • भाउना ल पहिचानव: कभु-कभु माईलोगन हा अपन भाउना ल लुकाथे (कइ बेरा ओमन ला खुदे एखर बारे म पता नइ चलए) । असल म अइसन माईलोगन ल लगथे कि उंखर भाउना खराब, खतरनाक या सरम वाले हे। दूसर के भाउना ल धियान ले सुने ले कोनो महिला ल अपन भाउना डहार धियान दे म मदद मिलथे।
  • घुंसियाए के परतिकिरया ल नियंतरित करव: सहायता समूह के सदस मन कोनो महिला के ए बात म मदद कर सकत हे के ओहा अपन समसिया ल ठीक समझे, जेखर ले ओ महिला हा बिन सोंचे-समझे अपन समसिया ल ले के घुंसियाए झन।


  • कोनो समसिया के भीतरी कारन ल समझव: एक दूसर ले गोठबात करे ले, माईलोगन ला, ए पता चलथे के उंखर समसिया एके असन हे। एखर ले समसिया के जर ल पहिचाने बर मदद मिलथे।
  • समाधान बतावव: जब कोनो समसिया के सामूहिक रुप ले समाधान निकाले जाथे, त ओला लोगन आसानी ले मान लेथें। एखर उल्टा अकेल्ला निकाले समाधान ल मनखे ओतना आसानी ले नइ माने ला धरे।
  • सामूहिक ताकत के विकास करव: अकेल्ला कुछु समसिया के हल निकाले के तुलना म, कइझन संग मिल-जुर के निकाले समाधान जादा ताकतवर होथे।
Sources
  • Audiopedia ID: hne_14_14