नसीला जिनिस अउ दारू के उपयोग मोर स्वास्थ्य ल स्थाई रुप ले कइसे नकसान पहुंचा सकत हे?

From Audiopedia - Accessible Learning for All
Jump to: navigation, search

जेनमन दारू अउ दूसर नसीला जिनिस के अब्बड़ सेवन करथें, ओमन दूसर मनखे के तुलना म जादा बीमार पड़थें। ओमन ल अइसन समसिया होथे:

  • खानपान में कमी, जेखर कारन आगु चलके जादा बीमारी होथे।


  • कैंसर, दिल के रोग, यकृत, पेट, चमड़ी, फेफड़ा अउ मूत्र परनाली के समसिया। कभु-कभु त सबरदिन बर बीमारी हो जथे।


  • दिमागी छति अउ दउरा पड़ना।
  • एचआईवी संकरमन के कारन, दूसर बीमारी होना।


  • सुरता भुलाना – उठे के बाद सुरता नइ रहय के का होए रिहिस हे।


  • मानसिक स्वास्थ्य समसिया, जइसे अउसाद या अब्बड़ संसों-फिकर या फेर अजब-गजब जिनिस दिखई-सुनई देना (एला मतिभरम कहिथें), दूसर उपर शंका करना।


  • एके घांव ले जादा नसा (ओवरडोज) करे ले मउत तको हो जथे।


एखर अलावा, नसा करइया मन ल दुरघटना होए के कारन चोट लगे के या फेर मउत होए के तको संभाउना रहिथे। काबर के नसा म आदमी गलत फइसला लेथे या फेर बिना जरुवत के जोखिम लेथे। असल म दारू या फेर दूसर नसीला जिनिस के सेवन करे के बाद अपन सरीर के उपर नियंतरन नइ रहि जाए। एखर अलावा असुरकछित यौन संबंध के दउरान, अइसन मन एक दूसर ल नसीला इंजेक्सन घलो लगाथें, एखर ले ओमन ल हेपेटाइटिस, एचआईवी अउ दूसर किसम के यौन संचारित संकरमन के खतरा होथे।


जेनमन माखुर खाथें, ओमन ल घलो ओखरे असन बीमारी होए के खतरा रहिथे, जेन बीमारी बीड़ी-सिगरेट पीयइया मन ल रहिथे।


माखुर अउ सुपारी खवइया मनखे मन के दांत अउ मसूड़ा खराब हो जथे। एखर ले मुंहु म घाव, मुंहु अउ गला के कैंसर तको हो सकत हे। अउ दूसर किसम के नकसान घलो होथे। एखर ले पेट के समसिया अउ कब्ज तको हो सकत हे। अइसन मनखे मन माखुर के आदी हो जथें।


कईझन गरीब लोगन मन, विसेस रुप ले रद्दा के तीर म रहवइया लइकामन, अपन नसा के भूख ल मिटाए बर गोंद अउ विलायक ल सूंघथें। एहा भारी नकसान वाला नसा होथे। एखर ले देखे म समसिया, सोंचे अउ सुरता रखे म परसानी, हिंसक बेवहार, फइसला लेके ताकत अउ सरीर उपर नियंतरन गंवा देना, गंभीर रूप ले बजन कम होना जइसन बीमारी हो सकत हे। कई पइत त दिल के दउरा पड़थे अउ अचानक मउत तको हो सकत हे।


अइसन हालत म नसीला जिनिस अउ दारू के उपयोग जादा खतरनाक हो जथे:

  • अगर ओहा गाड़ी-मोटर या फेर कोनो मसीन चलाथे।
  • गर्भवती हे या फेर स्तनपान कराथे।
  • नानुक लइका के देकभाल करथे।
  • नींद के, दउरा रोके के, या कोनो मानसिक समसिया के दवईपानी लेथे।
  • अगर ओला लीवर या फेर किडनी के बीमारी हे।
Sources
  • Audiopedia ID: hne_03_5