नोनीमन के स्वास्थ्य के बिसेस जरूवत का-का हावय?
10 ले 15 बछर के उमर के बीच म कोनो नोनी के सरीर हर बाढ़े बर लगथे अउ ओहर मोटियारीहोए बर लगथे। अइसन बेराह थोड़किन कठिन हो सकत हे। ओ नोनी, अभीनन त लईका रहिथे अउ न महिला, ओखर सरीर अभीन बदलाव के बीच म रहिथे। ओखर सरीर म कईठन नवा बदलाव होवत रहिथे, जेखर बारे ओला आदत नइ रहय। अगर कोनो दूसर मनखे हर ओखर संग अइसन बदलाव के बारे म नइ गोठियाए त एखर ले ओखर बर परसानी हो जथे।
स्वस्थ रेहे बर, ए उमर म बने असन खानपान मिलना अब्बड़ जरूरी होथे। ए दउरान ओखर सरीर के बिकास होवत रहिथे, एखर सेती ओला संहीमातरा म पुरोटीन, बिटामिन अउ खनिज के जरूवत होथे। ओला कोनो बाबू असन जेवन के जरूवत होथे। संही मातरा म जेवन मिले ले बीमारी कम होथे अउ ओ हर बने असन पढ़ई-लिखई घलोक कर पथें। आगु चलके ओला स्वस्थ गर्भधारन, सुरछित जचकीअउ स्वस्थ सियानी मिलथे।
नोनीमन ल बने-बने परकार के जेवन के जरूवत होथे। जब कोनो नोनी के महवारी सुरू होथे, त हर महीना ओखर सरीर म खुन के कमी होए बर लगथे। एनीमिया ल रोके बर, ओला आयरन वाला खाना खाना चाही। संगे-सग ओखर हड्डी ल मजगुत बनाए बर कैल्सियम वाला खाए केपदारथ मन ल खाना चाही।