परिवार नियोजन के दूसर का-का फायदा होथे?

From Audiopedia - Accessible Learning for All
Jump to: navigation, search

  • महतारी अउ लईकामन स्वस्थ रहीं, काबर के जोखिम वाले गर्भधारन ले बांचे जा सकत हे।
  • कमती लईका ले, सबो लईकामन बर जादा जेवन उपलब्ध हो पाथे।
  • लईका पइदा करे बर अगोरे ले, जवान माईलोगन अउ पुरूस मन ल अपन पढ़ई-लिखई पूरा करे बर, बढ़िया नउकरी पाए बर अउ अपन परिवार अउ समाज म जादा योगदान दे बर बेरा मिल जथे।
  • कमती लईका रही, त तुमन अपन अउ अपन लईका उपर जादा धियान दे सकहु।


परिवार नियोजन म अनचाहा गर्भ के डर नइ रहे, एखर सेती तुमन अउ तुंहर साथी ल यौन संबंध के आनंद ले बर जादा बखत मिल जथे। एखर दूसर स्वास्थ्य लाभ तको होथे। उदाहरन बर, कंडोम अउ सुकरानुनासक हर, एचआईवी अउ यौन संचरित संकरमन (एसटीआई) ले बचाथे। हारमोनल तरीका हर कोनो महिला ल महवारी के दउरान होवइया अनियमित रक्तस्राव अउ पीरा ल दूर करे म मदद करथे।


ये अध्याय म मिले परिवार नियोजन के सबो किसम के बिधि ल लाखों माईलोगन मन सुरछित बउरथें। असल म, ए तरीका मन गर्भावस्था अउ जचकी के तुलना म जादा सुरछित होंथे।

Sources
  • Audiopedia ID: hne_24_3