परिवार नियोजन के बारे म मैं हर अपन घरवाला संग कइसे गोठिया सकत हंव?
अगर तुमन अपन घरवाला संग मिलके परिवार नियोजन ल चुनथव त बने होही। बेहतर होही के तुमन संग मिलके कोनो बिधि ल चुनव, एखर बारे म गोठियावव।
कईझन पुरूस मन नइ चाहें के उंखर घरवाली हर परिवार नियोजन के उपयोग करें। काबर के ओमन एखर बारे म जादा नइ जाने, एखर बिधि के बारे म घलोक जादा नइ जाने। हो सकत हे, कोनो आदमी हर परिवार नियोजन के खतरा के बारे म सुने होही, एखर सेती ओ हर अपन घरवाली के सेहत ल लेके संसो करत होही। ओला यहु डर हो सकत हे के अगर ओखर घरवाली हर परिवार नियोजन करही त ओ हर दूसर पुरूस संग संबंध बना लिही। या फेर ओ हर अब्बड़ अकन लईका पइदा करे ल ‘मरदाना’ काम समझत होही।
ये अध्याय म बताए जानकारी ल अपन साथी संग साझा करे के परयास करव। एखर ले ओला ये सबो बात समझे म मदद मिल सकत हे:
परिवार नियोजन के फायदा के बारे म जाने के बाद घलो तुंहर घरवाला नइ मानत हे, त तुमन ल एखर बारे म फइसला लेना पड़ही। अगर तुमन परिवार नियोजन के फइसला लेथव, त तुमन ल अइसन बिधि के चुने के जरूवत होही, जेखर ले तुंहर घरवाला ल एखर बारे म पता झन चल पाए।