परिवार नियोजन के हारमोनल बिधि हर कइसे काम करथे?
ए बिधि म एस्ट्रोजन अउ प्रोजेस्टेरॉन जइसन हारमोन होथें। ए मन वइसने होथें, जइसन महिला के सरीर के भीतरी एस्ट्रोजन अउ प्रोजेस्टेरॉन हारमोन होथें। ए बिधि म सामिल हे:
हारमोनल बिधि के उपयोग कोनो महिला हर अपन पसंद ले कर सकत हे अउ पुरूस के बिन जाने घलोक एला बउरे जा सकत हे।
जरूरी बात! हारमोनल तरीका ले एसटीआई अउ एचआईवी ले रकछा नइ होवए.
हारमोनल बिधि मन म कोनो महिला के अंडासय ले अंडा नइ पइदा हो सकय। ए हर गर्भासय के दुवारी म सलेसमा ल अब्बड़ गढ़िया देथें, जेखर ले सुकरानु हर गर्भ के भीतरी म नइ जा सके।
जादातर गर्भनिरोधक गोली अउ इंजेक्सन म एस्ट्रोजन अउ प्रोजेस्टेरॉन दुनो होथें। गर्भावस्था ल रोके बर दुनो मिलके काम करथें। वइसे जेन माईलोगन ल कोनो बीमारी हे या फेर ओमन स्तनपान कराथें, ओमन ल एस्ट्रोजन वाले गोली या इंजेक्सन ल नइ बउरना चाही।
प्रोजेस्टेरॉन वाले गोली ल मिनी-पिल्स केहे जथे। एमा खाली प्रोजेस्टेरॉन होथे। जेन महिला एस्ट्रोजन ल नइ बउर सके, तेन हर एला बउर सकत हे।