पुरूस डहर ले हिंसा के कारन महिला उपर अइसन परभाव पड़थे:
परेरना म कमी या आत्म-मूल्य के भाउना म कमी।
मानसिक स्वास्थ्य समसिया, जइसे भारी संसो अउ नींद के समसिया या फेर खाए-पीए म परसानी। घरेलू हिंसा के कारन कईझन माईलोगन मन गलत तरीका ले बेवहार करे बर लगथें, जइसे नसीला पदारथ या फेर दारू के उपयोग या कोनो दूसर साथी संग यौन संबंध रखना।
यौन स्वास्थ्य समसिया। गर्भावस्था के दउरान मारपीट करे ले कोनो महिला के गर्भपात घलोक हो सकत हे। कोनो परकार के यौन सोसन के कारन ओला अवांछित गर्भधारन, यौन संचरित संकरमन (एसटीआई) या एचआईवी घलोक हो सकत हे। यौन सोसन ले महिला भीतर यौन संबंध बनाए के इच्छा खतम हो जथे अउ ओला एखर दउरान पीरा अउ डर घलोक होथे।