बिन कोनो योजना के अगर मैं हर गर्भवती हो जाथंव त मोला का करना चाही?

अगर तुमन हर यौन संबंध बनाए हव अउ महवारी म देरी होवत हे, तुंहर स्तन म पीरा होवत हे अउ तुमन ल बार-बार पिसाब आवत हे या उछरासी लगत हे त, तुमन गर्भवती हो सकत हव। एखर बारे म पक्का पता लगाए बर, तुरते कोनो स्वास्थ्य कारकरता या दाई संग मिलव।

कईझन मोटियारी नोनीमन हर बिना मरजी के गर्भवती हो जथें। ओमा ले कईझन ल त परिवार या संगवारी संग सहयोग मिल जथे, लेकिन सबो बर अइसन आसान नइ होवए।

अगर तुमन बिना योजना के गर्भवती होगे हव अउ अपन गर्भावस्था ल खतम करना चाहत हव, त सावधानी ले फइसला करव। जेखर उपर तुमन ल भरोसा हे ओखर संग गोठियावव। तुंहर जिनगी मूल्यवान हे, एला खोवव झन। खतरनाक तरीका लेगर्भपात कराए ले कईझन नोनीमन अउ माईलोगन मर तको जथें। गर्भपात कराए के सुरछित तरीका घलोक होथे।

Sources

• Audiopedia ID: hne_27_18