कई पइत अपन दाई-ददा संग गोठियाना कठिन हो सकत हे। हो सकत हे तुंहर महतारी-बाप मन चाहत हों के तुमन परंपरा के मुताबिक जियव, लेकिन तुमन ल लगथे के समय हर बदलत हे। अइसन म तुमन ल लग सकत हे के तुंहर महतारी-बाप मन तुंहर बात ल नइ सुनत हें। या तुमन ल उंखर घुस्सा ले डर लग सकत हे।
तुंहर परिवार तुंहर हर बात ले राजी होए बिन घलोकतुंहर ले मयाकर सकत हे। ओमन घुंसियाथें, काबर के ओमन तुंहर फिकरकरथें, एखर मतलब ए नइ के ओमन तुमन ल पसंद नइ करें। उंखर संग सम्मानपूरवक गोठियाए के कोसिस करव अउ अपन बारे म ओमन ल समझाए के कोसिस करव।
बने असन गोठियाए के तरीका
अइसन बेरा म गोठियाए के कोसिस करव, जब तुंहर महतारी-बाप मन थके हुए या बियस्त झन हो या कोनो जिनिसल लेके परसान झन हों।
अपन संसो अउ अपन लक्छ ल उंखर संग बांटव। उंखर लेपूछव के तुंहर स्थिति म ओमन का करतीन।
ओमन ल पढ़े बर कुछु देवव या उंखर संग गोठियाए बर कोनो तस्वीर ल देखावव। कोनो अइसन किताब ल मिलके पढ़व जेन ह तुंहर समसिया ले संबंधित हे।
अगर तुमन ल घुस्सा आवत हे, त चिल्लाव झन। अइसन म तुंहर महतारी-बाप मन रिसा सकत हें अउ ओमन ल लगही तुमन उंखर सम्मान नइ करव।
अगर तुमन अइसन सबो तरीका ल अजमा चुके हव अउ अभी घलोतुंहर महतारी-बाप मन तुंहर संगनइ गोठियाथें, त कोनो सियान मनखे के सहायता लेवव। अइसन मनखे म, कोनो सिक्छक, संगवारी के महतारी, काकी, बड़े बहिनी, दाई या कोनो स्वास्थ्य कारकरता सामिल हो सकत हे।